Хаартыска sakha.gov.ru ылылынна
Ил Дархан РФ Судаарыстыбаннай Сэбиэтин мунньаҕар «Көдьүүстээх тырааныспар тиһигэ» хайысхаҕа кытынна.
Москваҕа бу күннэргэ буола турар «Тырааныспар нэдиэлэтин» иитинэн, сэтинньи 20 күнүгэр, «Көдьүүстээх тырааныспар тиһигэ» РФ Судаарыстыбаннай Сэбиэтин мунньаҕа буолла.
Дьүүллэһии сүрүн тиэмэтинэн Арассыыйа тырааныспарын салаатын сайыннарыы, тырааныспар эйгэтигэр эрэгийиэн бастыҥ бырайыактарын олоххо киллэрии быраактыката, уо.д.а. буоллулар.
СӨ Ил Дархана Айсен Николаев өрөспүүбүлүкэҕэ «Магистральнай инфраструктураны модернизациялааһын уонна кэҥэтии кэлим былаана» бырайыагынан «Эрэгийиэн аэропортарын сайыннарыы» бырайыагы олоххо киллэрии хаамыытын кэпсээтэ. 2019 сылтан 2023 сылга диэри өрөспүүбүлүкэҕэ 10 аэропорду — Дьокуускай, Черскэй, Эдьигээн, Хаандыга, Белай Гора, Үөһээ Бүлүү, Бүлүү, Депутатскай, Сангаар, Нерюнгри реконструкциялааһын үлэлэрэ түмүктэммиттэрэ. 2024 сыл сэтинньитигэр Уус Ньара аэропордугар салгын аала көтөр-түһэр балаһатын саҥалыы уларытан оҥоруу үлэтин түмүктүүрү былаанныыллар.
«Биллэн турар, Саха сиригэр бу тырааныспар инфраструктуратын тупсарыыга улахан оруоллаах. Маныаха дойду Бырабыыталыстыбатыгар «магистральнай инфраструктураны модернизациялааһын уонна кэҥэтии кэлим былаана» национальнай бырайыагы олоххо киллэрии иһин махтаныахпын баҕарабын», — диир Айсен Николаев.
Кини Өлүөхүмэ, Полярнай уонна Мииринэй аэропортарын саҥардан оҥоруу тэрээһинэ 2025-2026 сс. былааннаммытын бэлиэтиир.
Маны таһынан, 2026 сылтан 2029 сылга диэри Маҕан, Ньурба, Зырянка, Полярнай аэропортарын саҥардан оҥоруу көрүллэр.
Айсен Николаев маны сэргэ дьоҕус аэропортары, уопсайынан «Аэропорты Севера» федеральнай казеннай тэрилтэни өйүүр наадалааҕын бэлиэтээтэ.
«Улахан аэропортары сэргэ дойдубутугар дьоҕус аэропортар эмиэ элбэхтэр, олор казеннай тэрилтэнэн түмүллэллэр. Биһиги онон аэропортар ситимнэрин тутан олоробут, олор хайдахтаах да ыарахаттар баалларын иһин, өрөспүүбүлүкэ сиригэр-уотугар авиация сырыытынан нэһилиэнньэни хааччыйаллар», — диэн кини эбэн эттэ.
Этиини РФ Бэрэсидьиэнин сүбэһитэ, тырааныспар эйгэтигэр норуоттар икки ардыларынааҕы бииргэ үлэлээһиҥҥэ РФ Бэрэсидьиэнин анал бэрэстэбиитэлэ Игорь Левитин өйүүрүн биллэрдэ. Бэйэтин кэмигэр кини кыттыытынан «Аэропорты Севера» ФКП тэрийии туһунан быһаарыы ылыллан турар.
СӨ Ил Дарханын уонна Бырабыыталыстыбатын пресс-сулууспата
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…