Хаартыска: Ил Дархан уонна Бырабыыталыстыба пресс-сулууспата
Бүгүн Ил Дархан Айсен Николаев Бырабыытылыстыба уонна дьаһалта былаанныыр мунньаҕар федеральнай уонна стратегическай көҕүлээһиннэри олоххо киллэриигэ туһуламмыт боппуруостары ырытта.
Арассыыйа бырабыыталыстыбатын дьаһалынан бигэргэммит 2036 сылга диэри дойду тырааныспарын, энергиэтикэтин, сибээс уонна социальнай инфраструктуратын сайыннарыы былааныгар ураты болҕомто уурулунна. Докумуоҥҥа 280 бырайыак киирбититтэн, 21-рэ Саха сиригэр туһааннаах. Ол иһигэр Мииринэй, Удачнай, Маҥан, Ньурба, Зырянка уонна Өлүөхүмэ аэропордарын саҥардыы, стратегическай суолталаах «Халыма» айан суолун, Өлүөнэ өрүһү туоруур муостаны, ону тэҥэ үс улахан энергетическэй эбийиэги — Новоленскай ТЭС, «Южно- -Якутскай» уонна «Нерюнгринскэй» ТЭС-тэри тутуу бырайыактара бааллар.
Арктика сайдыытыгар ураты болҕомто ууруллар. Саха сирэ көҕүлээбит «Арктика Синергията» бырайыагы олоххо киллэрии чэрчитинэн, былааҥҥа Черскэй, Тиксии, Чокурдаах, Депутатскай, Батагай уонна да атын Арктика сиригэр-уотугар оптоволоконнай сибээс лиинийэлэрин тутуу 10 бырайыага киирдэ. «Ити хотугу улуустарга сыыппара тиһигин үөскэтиэҕэ уонна олохтоохтор ыраах сытартан тутулуга суох аныгы таһымҥа үөрэҕи, доруобуйа харыстабылын уонна урбаан өҥөлөрүн ылалларыгар кыах биэриэҕэ», — диэн эрэгийиэн баһылыга тоһоҕолоон бэлиэтээтэ.
Ону тэҥэ, мунньахха 2035 сылга диэри гаас мотуордаах уматык ырыынагын сайыннарыы Концепциятын ырыттылар. Докумуоҥҥа этиллэринэн, тырааныспар уонна анал тиэхиньикэу уматык экологияҕа сөптөөх көрүҥнэригэр көһүүтэ үөрэтиллэр, ол айылҕа ноҕоруускатын намтатыаҕа уонна биисинэс сайдыытыгар саҥа кыаҕы үөскэтиэҕэ.
Салгыы Ил Дархан ыыппыт мунньаҕар сыыппара эйгэтэ сайдыытын, ититии сезона саҕаламмытын, сүөһү аһылыгын бэдэмнээһини, буолаары турар успуорт уонна патриотическай тэрээһиннэригэр кыттыыны дьүүллэстилэр.
Сиһилии: https://www.sakha.gov.ru/news/11806 сигэнэн билсиэххэ сөп.
Бүгүн Бүлүү улууһугар Лөкөчөөҥҥө Афанасий Кузьмич Харлампьев салайааччылаах “Тускул-Л” бааһынай хаһаайыстыбата саҥа хотоҥҥо киирдэ. Ол…
Саха сиригэр доруобуйа харыстабылын бастакы сүһүөх звенотун саҥардан оҥоруу киэҥ далааһыннаах бырагыраамата салҕанар. Билиҥҥи туругунан,…
Өлүөхүмэ куоратыгар сууккаҕа 2400 кубометр кыамталаах уу ситимин саҥардыы иккис уочарата түмүктэннэ диэн СӨ Олох-дьаһах, хомунаалынай…
"Якутия в деталях" саҥа биэриитигэр СӨ тырааныспарга уонна суол хаһаайыстыбатыгар миниистир Владимир Сивцев муус туруутун…
Бэлитиичэскэй репрессия ыар тыына Кэбээйи оройуонун эмиэ хаарыйбыта, элбэх дьон ыраас ааттарын хараардыбыта, олохторун огдолуппута.…
Арассыыйа быраастара этэллэринэн, тууһаммыт хаппыыста уонна суорат киһи куруук дьиксинэ, дьааххана сылдьар туругуттан тахсарыгар көмөлөһөллөр.…