Хаартыска - СӨ Аҕа баһылыгын уонна Бырабыыталыстыбатын пресс-сулууспата
Саха сирэ бииргэ үлэлиир ДНӨ Кировскай куоратын чөлүгэр түһэриигэ Кэлим сүрүннүүр киин бэрт тэрээһиннээх, тэтимнээх үлэни ыытар.
Бу туһунан сэтинньи 14 күнүгэр ыытыллыбыт байыаннай дьайыы кыттыылаахтарын өйүүргэ туһуламмыт киин исполкомун мунньаҕар Ил Дархан Айсен Николаев үрдүк сыанабылы биэрдэ. Ол курдук, Аҕа баһылык өрөмүөн-чөлүгэр түһэрии үлэтин быйылгы былаана туолбутун, бу күннэргэ 2024 сыллааҕы былааннаммыт үлэ саҕаламмытын бэлиэтээтэ.
СӨ Аҕа баһылыгын уонна Бырабыыталыстыбатын пресс-сулууспата иһитиннэрбитинэн, Ил Дархан байыаннай дьайыыга туттуллар өрөспүүбүлүкэҕэ оҥоһуллан тахсар тиэхиньикэни тиэрдии соруга турарын эттэ: “Сүрүннээн квадроцикллары уонна дроннары оҥорон таһаарыыны түргэтэтиэххэ наада. Уһук Илин уокурукка «Патриотическай» урутаан сайдар сир чэрчитинэн маннык тиэхиньикэни оҥорон эрэллэр. Биһиги бастыҥ байыаннай чаастар салайыыларынан үлэлиибит, онон тиэхиньикэни оҥорон таһаарыыга ирдэбил таһыма хайдаҕын билэбит. Байыаннай дьайыыга сылдьар дьону өйүүр тирэх пууннар хаачыстыбалаах үлэлэрин бэлиэтиир тоҕоостоох. Өрөспүүбүлүкэ бу үлэҕэ бастыҥ быраактыкалааҕын бары таһымҥа бэлиэтииллэр. Былаас уорганнара, бөдөҥ хампаанньалар, пуондалар, биисинэс эйгэтэ, уопсастыбаннас бииргэ үлэлииллэрин ситистибит. Бу үлэ салгыы ыытыллыаҕа», — диэн бэлиэтээтэ Айсен Николаев.
Мунньахха 120 көлө, ол иһигэр квадроцикллар, пилота суох көтөр 500 аппараат, тепловизор, сибээс тэрилэ уо. д. а. суолталаах көмө оҥоһуллубута этилиннэ. Маны таһынан, байыаннай дьайыы тирэх пууннарыгар таҥас-сап, эмп ыытыллар, «Боотур» кииҥҥэ бойобуой дьайыы бэтэрээннэрэ мобилизациялаахтарга уонна баҕа өттүнэн барааччыларга анал үөрэх ыыталлар.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…