Ил Дархан көмөлөрүн иһин эрэгийиэннэргэ махтанна

Өрөспүүбүлүкэ Ил Дархана умайа турар ойуур баһаарын иэнэ быһа холуйан 350 тыһ га диэн “Россия24” телеханаалын быһа эпииригэр эттэ. Ол онтон 116 тыһ га сиргэ уот бохсулунна, ол иһигэр Томпо оройуонугар баар бөдөҥ 112 тыһ га сири ыла сытар уот.  

“Күн бүгүн баһаары умуруорууга 1500 киһи үлэлиир. Кинилэртэн 600 киһи – бу федеральнай Авиалесоохранаттан, атын эрэгийиэннэр лесоохраналарыттан кэлбит дьон. Төһө да бэйэлэригэр судургута суох балаһыанньа буолан да турдар, биһиэхэ көмөҕө дьону ыыппыттарыгар махталбытын тиэрдэбит”, — диэтэ Ил Дархан.

Маны таһынан кини от ыйын 1 күнүгэр киллэриллибит федеральнай ЫБМ эрэгийиэҥҥэ ордук суһаллык федеральнай резервэни бэйэҕэ тардарга, федеральнай структуралар күүстэрин түргэнник аттаран туруорарга көмөлөһүө, диэн эттэ.