Хаартыска: sakha.gov.ru
Ил Дархан Айсен Николаев «Арассыыйатааҕы норуоттар икки ардыларынааҕы креативнай сезоннар» (RICS) кэмпириэнсиэҕэ кыттан, эрэгийиэн креативнай экэниэмикэни сайыннарыыга уопутун туһунан кэпсээтэ. Бу туһунан www.sakha.gov.ru иһитиннэрэр.
Былаас бэрэстэбиитэллэрэ, Арассыыйаттан уонна доҕордуу дойдулартан продюсердар, креативнай кииннэр салайааччылара кыттыылаах дьүүллэһии чэрчитинэн Айсен Николаев салаа сүрүн кыһалҕатын бэлиэтээтэ.
«Биһиги бүгүн контент туһунан элбэҕи кэпсэтэбит, ол эрээри ону тиэрдэр ньымалар тустарынан саҥарбаппыт. Бүтүн контены биһиги доҕордуу сыһыана суох дойдуларга оҥоһуллубут уонна бырагыраамаламмыт тэрил көмөтүнэн туһанааччыга тиэрдэбит. Биһиги Саха сиригэр бу кыһалҕаны үрдүк 4К хаачыстыбалаахтык толору быһаарар уонна омук сирин оҥоһуктарын солбуйар «Экстра Синема» аппаратнай-программнай комплексы оҥорон таһаардыбыт», — диэтэ кини.
Эрэгийиэн баһылыга комплекс бастатан туран аныгы киинэ көрдөрүүтүн дьоҥҥо тиийимтиэ оҥоруу ордук сытыытык турар кыһалҕанан, кыра куораттарга уонна бөһүөлэктэргэ аналлааҕын эттэ. Бу быһаарыыны экспортка таһаарар үлэ саҕаланна: Саха сирин оҥорон таһаарааччылара технологияны Индия олохтоох усулуобуйатыгар сөп түбэһиннэрэргэ дойду партнердарын кытта үлэлииллэр.
«Болҕомто анимацияҕа, киинэҕэ, оонньууну оҥорууга (геймдевкэ) уонна муусукаҕа ууруллуоҕа. Бу ырыынак 400 кыттааччыны уонна 7000 кэриҥэ ыалдьыты мунньуоҕа диэн эрэнэбит. Сүрүн санаата – ким да көрө илик контент көрдөрүллүөҕэ. Бу Арассыыйа бэйэтин миэстэтин ылыан сөптөөх уонна улуу дойдубут култууратын тарҕатар кыахтаах Азия-Чуумпу акыйаан эрэгийиэнин дойдуларын контенын индустриятыгар тардыы киининэн буолуо диэн күүтэбит», — диэн Айсен Николаев эттэ.
Сиһилии бу сигэнэн киирэн ааҕыҥ: https://www.sakha.gov.ru/news/13460
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…