Кировскай куораты сөргүтүүнэн дьарыктанар суһал ыстаап мунньаҕын Ил Дархан бу үлэҕэ кыттыбыт Саха сирин олохтоохторугар махтал тылларыттан саҕалаата.
Айсен Николаев бэрт кутталлаах усулуобуйаҕа урусхалламмыт инфраструктураны сөргүтүү үлэ ыараханын, ылбычча киһи кыайар үлэтэ буолбатаҕын бэлиэтээн эттэ. «Саха сирэ Арассыыйа саҥа эрэгийиэннэригэр олоҕу сөргүтүү үлэтин Бэрэсидьиэн Уһук Илиҥҥи эрэгийиэҥҥэ Боломуочуйалаах бэрэстэбиитэлэ Юрий Трутнев үрдүктүк сыаналаата, бу үлэҕэ биһиги өрөспүүбүлүкэбит бастыҥнар истэригэр сылдьарын бэлиэтээтэ», — диэн биллэрдэ.
«Дойдубут сүрүн соруктара билигин кыргыһыы хонууларыгар быһаарыллара өйдөнөр. Ол эрэн, байыаннай дьайыы чэрчитинэн иккис ордук суолталаах соругунан саҥа эрэгийиэннэргэ дьон олоҕун тупсарыыга, урусхалламмыт нэһилиэнньэлээх пууннары сөргүтүү буолар. Төһөнөн түргэнник дьон олоҕун тупсарарбытыттан бу саҥа эрэгийиэннэрбит Арассыыйаны кытта бииргэ сайдаллара тутулуктаах. Бу сорук олус улахан суолталаах», — диэн тоһоҕолоон эттэ Ил Дархан.
2022 сыл сааһыгар Саха сирэ Кировскай куораты сөргүтүүгэ ылбыт эбэһээтэлистибэтин 2023 сылга салгыы ыытыаҕа. Быйыл бу үлэни алтынньыга тэриллибит киин салайан ыытыаҕа. Арассыыйа бэрэсидьиэнин салалтатыгар Саха сирин бастайааннай бэрэстэбиитэлэ Андрей Федотов (ЕКЦ салайааччыта) бу үлэни ыытыы былаана таҥыллан үлэҕэ киирэргэ бэлэмин туһунан мунньахха дакылааттаата.
Бу күннэргэ күн-дьыл туруга хайдаҕый? Күн-дьыл туругун кэтээн көрөөччүлэр туох диллэрий? Арктика кытылынан сорох сиринэн…
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…