Хаартыска: sakha.gov.ru
Бүгүн, кулун тутар 30 күнүгэр, «Крокус сити холл» комплекска теракт буолбута тоҕус хонуга туолла.
Бу күн Ил Дархан Айсен Николаев Москваҕа оробуочай сырыытын кэмигэр, кулун тутар 22 күнүгэр «Крокус сити холл» теракт сиэртибэлэрин кэриэһигэр мемориалга сибэкки дьөрбөтүн уурда.
«Теракт кэмигэр чугас дьоннорун уонна аймахтарын сүтэрбиттэргэ Саха сирин элбэх национальностаах норуотун аатыттан кутурҕаммын тиэрдэбин. Биһиги билиҥҥи маннык балаһыанньаҕа бары сомоҕолоһуохтаахпыт. Биһиги национальноһа да, аата-суола суох да маннык өһүөнү утары охсуһуохтаахпыт. Бу чахчы улахан өһүрүү быһыыта-майгыта. Ким да бу быһыылааны оҥорбутун иһин, толорооччутан тиһэх сакаасчытыгар диэри, бары хайаатар да булуллуохтаахтар уонна буруйданыахтаахтар. Биһиги сомоҕолоһоммут, маннык өһүөнү хайаан да Кыайыахпыт!», – диэтэ Айсен Николаев.
Арассыыйатааҕы ЫБММ дааннайынан кулун тутар 29 күнүнээҕи туругунан, теракт түмүгэр 143 киһи өлбүтэ биллэр. Кутурҕан күнүнэн сибээстээн, Саха сиригэр бары маассабай-аралдьытар тэрээһиннэр тохтотуллубуттара. Дьокуускай куорат Кыайыы болуоссатыгар Дьоруой-Москва мемориалга «Крокус сити холл» комплекска терактан эмсэҕэлээбиттэргэ мемориал тэриллибитэ. Манна киин куорат олохтоохторо теракка өлбүт дьону кэриэстиэхтэрин сөп.
Дуунньукка - бу кини таптал аата. Балтым Евдокия Дьокуускайдааҕы Култуура уонна урамньы кыһатын төрүт култуура…
Бу күннэргэ мессенджеринэн, социальнай ситимнэринэн: “Забайкальеҕа пастереллёз өрө туран, Бурятияҕа ураты бэлэмнээх буолуу эрэсиимин биллэрдилэр”…
Түөкүттэр саҥаттан саҥа албастары толкуйдаан, дьонтон харчыларын суйдуу олороллор. Ол курдук, хара санаалаах дьон эмсэҕэлээччигэ…
Бүгүн, сэтинньи 5 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, Дьокуускай куоракка күн…
Бүгүн, сэтинньи 5 күнүгэр, өрөспүүбүлүкэ баһыйар үгүс өттүгэр хаардыаҕа. Хотугулуу-арҕаа өттүгэр сөҥүү түһэрэ күүтүллүбэт. Муора…
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…