Хаартыска - Мария Васильева / СИА
Ил Дархан Айсен Николаев куйаар ситиминэн РФ Бырабыыталыстыбатын Бэрэссээдээтэлин солбуйааччы Виктория Абрамченко ыыппыт ойуур баһаарын бохсуу үлэтигэр бэлэмнэнии мунньаҕар кыттыыны ылла.
Мунньахха былырыыҥҥы сылга ыытыллыбыт үлэ түмүгүн уонна быйылгы барылы дьүүллэстилэр. Ил Дархан Айсен Николаев өрөспүүбүлүкэ бүддьүөтүттэн ойуур баһаарын бохсууга үлэлиир баһаарынай тэрилтэлэр үлэһиттэрин ахсаана 1 203 киһиэхэ тиийэ эбиллибитин, авиационнай кэтээн көрүү 4, 5 тыһ. км, сиринэн хонтуруоллааһын уһуна 1 тыһ. км тиийэ улааппытын иһитиннэрдэ. «Кураанах этиҥ элбэҕин үрдүнэн, ааспыт сылга ойуур баһаарын сезонун этэҥҥэ түмүктээбиппит. Бу кэм устата 784 тыһыынча гектар иэннээх 368, хонтуруоллуур сирбитигэр 364 тыһыынча гектар 70 ойуур баһаарын умуллардыбыт. Баһаары умуруорууга былырыын 10 тыһыынчаттан тахса киһи кытынна. 2022 сылы кытта тэҥнээтэххэ, тардыллыбыт күүс ахсаана 20% улаатта», — диэн Айсен Николаев иһитиннэрдэ.
Ил Дархан былаас федеральнай органнарын кытта ыкса сибээстээх үлэ барбытын бэлиэтээтэ: «Салгын ааллара искусственнай ардаҕы аҕалан, улахан көмөнү оҥордулар. Икки лаборатория-сөмөлүөт дьайыытын көмөтүнэн, 19 саамай элбэх нэһилиэнньэлээх муниципальнай оройуоннар сирдэригэр-уоттарыгар ойуур баһаарын кутталын намтаттыбыт. Бу үлэ 2024 сылга эмиэ салҕаныаҕа. Саха сирин уустук суоллаах-иистээх уонна аҕыйах нэһилиэнньэлээх оройуоннарыгар искусственнай ардаҕы түһэрии сүүһүнэн километрдаах сиргэ бөртөлүөттэри ыытардааҕар быдан көдьүүстээх», — диэн бэлиэтээтэ Айсен Николаев.
Ол курдук, 2023 сыллаахха ыам ыйын 26 күнүттэн атырдьах ыйын 18 күнүгэр диэри икки Ан-26 «Атмосфера» АК «Полярные авиалинии» уонна Як-40 «Росгидромет» 49 оробуочай көтүүнү оҥорбуттара.
РФ Бырабыыталыстыбатын Бэрэсээдээтэлин солбуйааччы Виктория Абрамченко эрэгийиэн салалтата ыыппыт үлэтин улаханнык сыаналаан махтанна уонна быйылгы сылга ити тэтим тутуһулларыгар эрэнэрин биллэрдэ.
Тэрээһиҥҥэ Российскай Федерация эрэгийиэннэрин губернатордара, РФ айылҕа харыстабылын, РФ Сэбилэниилээх күүстэрин, Рослесхоз, РФ тыатын хаһаайыстыбатын салайааччылара кыттыыны ыллылар.
Ил Дархан туһаайан этиитигэр дьоҕус урбааны өйүүр боппуруос болҕомтоҕо ылыллыа диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…