Ил Дархан, бырабыыталыстыба дьаһалтатын пресс-сулууспата.
Атырдьах ыйын 28 күнүгэр Айсен Николаев култуура диэйэтэллэрин кытта көрүстэ. Кинилэр Ил Дархан «О стратегических приоритетах сохранения и укрепления традиционных духовно-нравственных ценностей в Республике Саха (Якутия)» ыйааҕын бырайыагар бэйэлэрин этиилэрин киллэрдилэр.
Айсен Николаев бастакы бэрэсидьиэн Михаил Николаев аатын үйэтитиигэ этиилэри киллэрэргэ сорудахтаата. М.Е. Николаев төрөөбүт күнүгэр – сэтинньи 13 күнүгэр кини аатын үйэтитии туһунан ыйаах тахсыаҕа диэн иһитиннэрдэ.
Ону тэҥэ, 2025 сылга Өксөкүлээх Өлөксөй “Байанай алгыһа” айымньытын суруйбута 125 сыла туоларын туһунан эттэ. Бу 1900 сылтан, бу айымньыттан саха суругунан литературата саҕаламмыта. Онон саха суругунан литературатын 125 сылыгар тэрээһиннэри үрдүк таһымҥа ыытар туһунан Ил Дархан уураах таһаарбыт.
— Күн бүгүн дойдубут Илин диэки хайыһан олорор. Азия дойдуларыгар, Арассыыйаны, кини култууратын таптыыр миллиардынан дьоҥҥо биһиги көрдөрөрбүт, билиһиннэрэрбит элбэх. Саха сирэ ураты култууратынан, үгүс эйгэлэргэ ситиһиитинэн Арктикаҕа да, Азияҕа да култуура сайдыытын инники күөнүгэр сылдьар кыахтаах. Чугастааҕы сылларга ити биир сорукпут буолар, — диэн Айсен Николаев эттэ.
Көрсүһүү кыттыылаахтара өрөспүүбүлүкэҕэ култуура сайдыытыгар сыаллаах-соруктаах үлэ ыытылларын бэлиэтээтилэр, бэйэлэрин этиилэрин киллэрдилэр.
Саха сирин Суруйааччыларын сойууһун чилиэннэрэ Ил Дархаҥҥа Тойон кыыл, хотой куорсунун “ыраахха, үрдүккэ көтөн күпсүйэ тур” диэн суолталаан, бэлэхтээтилэр.
Саха сирин норуоттарын ассамблеятын бэрэссэдээтэлэ Александр Подголов:
— Өрөспүүбүлүкэҕэ духуобунас, сиэр-майгы сыаннастарын, төрүт үгэстэри харыстыыруонна бөҕөргөтөр туһунан ыйаах тахсара уолдьаста. Бу бүтүн уопсастыба, биһиги уопсай үлэбит хайысхата, соруга буолуохтаах, — диэн эттэ.
Саха сиригэр 2019 сылтан дьон култуура тэрилтэлэригэр сылдьыыта 1,6 төгүл элбээтэ. Онон 2022 сылга 19,5 мөлүйүөннэ сылдьыбыттар. Бу хаһааҥҥытааҕар да элбэх. Ону тэҥэ, Russian Creative Awards диэн Арассыыйатааҕы национальнай бириэмийэ Саха сирин бастыҥ креативнай эрэгийиэн быһыытынан сыаналаабыта.
Ил Дархан, бырабыыталыстыба дьаһалтатын пресс-сулууспата.
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…
“Уһук Илин сулуһа” (“Звезда Дальнего Востока”) сыллата ыытыллар уопсастыбаннай-дьыалабыай бириэмийэҕэ Уһук Илиҥҥэ уонна Арктикаҕа олоххо…
Дьүкээбил туһунан төһө билэҕитий? Дьүкээбил -- айылҕа дьикти уонна ураты көстүүтэ. Дьүкээбил биһиги планетабытыттан сүүстэн…
"Аҕа дойдуну көмүскээччилэр" пуонда филиала байыаннай дьайыы бэтэрээнэ Юлиан Смогайлов "Транснефть-Восток" бөдөҥ бырамыысыланнай хампаанньаҕа үлэҕэ…