Ил Дархан култуура дьон-норуот олоҕор улахан суолталааҕын тоһоҕолоото

«Ил Дарханныын кэпсэтиигэ: “Бэйэтин култууратын харыстыыр норуот хаһан баҕарар сайдыылаах, кэскиллээх. Онон култуураҕа үбү-харчыны кэлин көрүөхпүт диири сыыһанан ааҕабын», — диэтэ кини.

«Бу күннэргэ Аллараа Бэстээххэ Култуураны сайыннарар киин тутулунна. Аны Арассыыйа күнүгэр Горнай улууһун Бэс Күөлүгэр элбэх хайысхалаах киин үлэҕэ киирдэ. Бу киин РФ бэрэсидьиэнэ Владимир Путин сорудаҕынан тутулунна. 2021 cыллаахха Бэс Күөлүн улахан ойуур баһаара таарыйан, хас да дьиэ уокка былдьаммыта. Онно бу нэһилиэк олоҕо урукку чөлүгэр түһүөхтээх диэн быһаарыы ылыллыбыта. Былырыын алтынньыга саҥа оскуоланы киллэрбиппит. Аны бу соторутааҕыта элбэх хайысхалаах киин үлэҕэ киирэн, музей, бибилэтиэкэ, нэһилиэк  дьаһалтата, почта киирэн үчүгэй баҕайытык үлэлии олороллро. Бэс Күөлүн дьоно-сэргэтэ өрөспүүбүлкэ салататыгар, Арассыыйа бэрэсидьиэнигэр махтаналлар”.

Ил Дархан биһиги култуурабын аан дойду таһымыгар тахсан турар диэтэ. Ону көрдөрөр хайаан да кииннээх буолуохтаахпытын, ол туоһута Арктическай эпос киинэ тутулла турарын эттэ.

“Муусука үрдүкү оскуолатын оҕолоро дьэ манна үлэлээн, бэйэлэрин талааннарын дьонноругар-сэргэлэригэр көрдөрүөхтэрэ”, — диэн эрэлин биллэрдэ.