Ил Дархан Култуура үлэһитин күнүнэн эҕэрдэлиир

Култуура үлэһитин күнүнэн!

Бүгүн — биһиги олохпутун ордук дириҥэтэр, баай-талым, интэриэһинэй оҥорор дьон күнэ. Эһиги көмөҥүтүнэн муусука иһиллэр, сыана сэргэхсийэр, үгэһи тутуһуу үксүүр уонна саҥа өйдөбүллэр үөскүүллэр. Биһиги өрөспүүбүлүкэбитигэр култуура эйгэтигэр 10 тыһыынчаттан тахса киһи үлэлиир. Эһигиттэн хас биирдиигит — духуобунас, энергия уонна талаан.

Бу сылтан Арассыыйаҕа «Земскэй култуура үлэһитэ» бырагыраама үлэтэ саҕаланар — сэлиэнньэлэргэ уонна кыра куораттарга исписэлиистэри өйүүргэ дьоһун хардыы. Дойду араас муннуктарынан дьону-сэргэни кытары көрсөргө, айар талааҥҥытын кытта үллэстэргитигэр өссө эбии кыаҕы биэриэ диэн эрэнэбин.

Култуура үлэтигэр-хамнаһыгар бэриниилээх үлэҕит иһин махтанабын. Хас күн ахсын духуобунас, билинии, үөрүү-көтүү үксээтин!