Хаартыска - СӨ Аҕа баһылыгын уонна бырабыыталыстыба пресс-сулууспата
Бу күннэргэ Ил Дархан Айсен Николаев Кытайга “Биир эргимтэ, биир ситим” диэн норуоттар икки ардыларынааҕы үһүс пуорумҥа кытынна.
Норуоттар икки ардыларынааҕы үһүс пуорум Кытай Норуодунай Өрөспүүбүлүкэтин бэрэссэдээтэлэ Си Цзиньпин көҕүлээһининэн ыытылынна. Тэрээһиҥҥэ 130 дойду бэрэстэбиитэлэ түмсүбүт.
Суолталаах тэрээһиҥҥэ Ил Дархан Айсен Николаев Саха сирэ Кытайы кытта экэнэмиичэскэй сибээстэрин туһунан тыл эттэ. СӨ Аҕа баһылыгын уонна бырабыыталыстыбатын пресс-сулууспата иһитиннэрбитинэн, аҥардас быйылгы сылга табаар эргиирэ 2 млрд дуолларга тэҥнэспит.
— “Биир эргимтэ, биир ситим” диэн Кытай көҕүлээһинин биһиги үрдүктүк сыаналыыбыт. Бу – Евразия сүүнэ сирин-уотун ситимниир, бөҕөргөтөр хайысхалаах үлэ. Бүгүҥҥү күҥҥэ дойдубутугар Хотугу муоратааҕы айан суолун киллэрэн туран, бөдөҥ тырааныспар бырайыактара олоххо киирэллэр. Өлүөнэ уонна Амур өрүстэргэ муоста тутуутун туһунан Араассыыйа Бэрэсидьиэнэ Владимир Путин этиитэ Хотуттан Соҕуруу эҥэр бөдөҥ тырааныспар көрүдүөрэ аһыллыытын туоһута. Бу маннык бырайыактар Арассыыйа Арктикатын Кытайы кытта ыкса сибээстиэхтэрэ, – диэн бэлиэтиир Айсен Николаев.
Маны таһынан, Ил Дархан Амур уобалаһын кытта кэккэ бырайыагы олоххо киллэрии былаанын билиһиннэрдэ, “Азия оҕолоро” VIII Норуоттар икки ардыларынааҕы оонньууларга Кытай хамаандата кыттарыгар эрэнэрин биллэрдэ.
Алтынньы 18 күнүгэр Н.Е Мординов-Амма Аччыгыйын аатынан Харбалаахтааҕы үөрэхтээһин холбоһугар идэҕэ туһаайар үлэ хайысхатынан "Аһаҕас…
Алтынньы 17-31 күннэригэр Дьокуускайга "Чайковский-фест. Якутск" опера-балет бэстибээлэ буола турар. Бу Арассыыйатааҕы бэстибээл улуу композитор…
РФ Ис дьыалаҕа миниистирэ Владимир Колокольцев ИДьМ Дьокуускайдааҕы салаатын полиция 2-с нүөмэрдээх отделын ыстаарсай иниспиэктэрэ,…
Кирилл Бычков, СӨ бырабыыталыстыбатын бэрэссэдээтэлэ: Ил Түмэн 14-с уочараттаах пленарнай мунньаҕа түмүктэннэ. Биир сүрүн көрүллүбүт…
Соторутааҕыта Арчы Дьиэтигэр "Zema" улуус ыччаттарын түмсүүлэрин икки ардыларыгар "Түһүлгэ" диэн эдэр ыччат дьоҥҥо аналлаах…
ИДьМ Чурапчы улууһунааҕы салаатын үлэһиттэрэ олохтоох киһиттэн төлөпүөн уоруутугар кыттыгастаах, эрдэ хас да төгүл суттана…