Хаартыска: Андрей Сорокин (СИА)
Ленскэйгэ Айсен Николаев олохтоох үүт собуотун баазатыгар былырыын тэриллибит оскуола аһын-үөлүн комбинатыгар сырытта. Собуот аһыллыаҕыттан, куорат бары оскуолалара оҕолору биир менюнан аһаталлар.
Саха сиригэр итинник бырайыагы үлэҕэ киллэрбит Ленскэй улууһа иккис оройуонунан ааҕыллар. Урут маннык бырайыак Чурапчы улууһугар олоххо киирбитэ.
«Бу өрөспүүбүлүкэҕэ тэриллибит иккис оскуола аһын-үөлүн комбината буолар. Кэлэр өттүгэр маннык бырайыактары Саха сирин атын оройуоннарыгар эмиэ тарҕатыахха сөп дии саныыбын», – диир Айсен Николаев.
Ленскэйгэ оскуола аһылыгын менюта олохтоох оҥорон таһаарыы бородууксуйатын 75 %-тан турар. Билигин комбинат 6 ас-үөл оскуолаларын хааччыйар, ол баазаларынан 13 повар уонна 10 куукуна үлэһиттэрдээх.
«Оҕолорго уонна төрөппүттэргэ ыытыллыбыт ыйытык түмүгүнэн, бары аһынан-үөлүнэн астыналларын көрдөрдө. Мин эмиэ амсайдым, чахчы, дьиэ аһылыгын кэриэтэ олус минньигэс», — диэн өрөспүүбүлүкэ баһылыга санаатын үллэһиннэ.
Салгыы Айсен Николаев куорат оскуолаларынан сарсыарда ахсын тиэрдиллэр эт полуфабрикаттарын оҥорор сыах үлэтин кытта билистэ. Сменаҕа барыта 2,5 тыһыынча куурусса, эт уонна балык полуфабрикаттара оҥоһуллаллар.
Кэлэр өттүгэр повардар үлэлэрин чэпчэтэргэ манна оҕуруот аһын сыаҕын үлэлэтэр былаанныыллар: кырбастаммыт хортуоппуй, хаппыыста, сүбүөкүлэ уонна моркуоп арааһын вакуумҥа суулаан тиэрдиэхтэрэ.
Санатан эттэххэ, ааспыт сыл ахсынньы ыйыгар Айсен Николаев Ил Түмэҥҥэ туһаайан этиитигэр оҕо уһуйааннарын, оскуолаларын, балыыһалары, социальнай тэрилтэлэри хаачыстыбалаах бородууксуйаларынан хааччыйыы саҥа ньымаларын киллэрии наадатын ыйбыта. Олохтоох ас-үөл чааһа судаарыстыбаннай атыылаһыыга 25 %- тан итэҕэһэ суох буолуохтаах, оттон муниципальнай тэриллиилэринэн — 50 %-ҥа диэри.
Дойду Бэрэсидьиэнэ Владимир Путин тохсунньуга Уһук Илин уокурук эрэгийиэннэригэр сылдьан, олохтоох бородууксуйаны оҥорооччулары өйүүр наадалааҕын бэлиэтээбитэ: «Олохтоох оҥорон таһаарааччылары өйөөһүнү улаатыннарар, бары өттүнэн көмөнү оҥорор наадалаах». Бу Уһук Илин олохтоохторун табаарынан хааччыйыы биир ньымата.
СӨ Ил Дарханын уонна Бырабыыталыстыбатын пресс-сулууспата
Ааспыт сууккаҕа Саха сиригэр 6 буруйу оҥоруу тахсыбыта бэлиэтэммит. Бу туһунан дьуһуурунай борокуруор иһитиннэрэр. Нам…
Экология миниистиэристибэтин булт уонна булт ресурсаларын харыстааһыҥҥа департаменын салайааччыта Владимир Решетников уонна Амма улууһун экологическай…
Норуоттар икки ардыларынааҕы гроссмейстердар, аан дойду хас да төгүллээх чөмпүйүөннэрэ, Саха сириттэн Николай Стручков уонна…
Ил Түмэҥҥэ Хаҥас улууһун Майа сэлиэнньэтигэр арыгыны атыылааһыны бобор туһунан сокуон бырайыагын киллэрдилэр. Туһааннаах докумуону…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар миниистирэ Дмитрий Лепчиков салайыытынан муниципальнай тэриллиилэр уорганнара үрдүк бэлэмнээх буолуу эрэсиимҥэ көһөрүлүннүлэр. Гидрометеосулууспа сылыктыырынан, чугастааҕы…
Киин куорат 34 саастаах олохтооҕо, икки кыыс оҕо аҕата, суут быһаарыытынан ый ахсын 15 тыһыынча…