Хаартыска: А.Сорокин (СИА)
Ил Дархан Айсен Николаев Ытык Күөл сэлиэнньэтигэр «Манчаары оонньуулара» XXII спартакиадаҕа бэлэмнэнии тэрийэр кэмитиэтит мунньаҕын ыытта.
Мунньах өрөспүүбүлүкэ салайааччыта от ыйын 11 күнүгэр оробуочай сырыытын чэрчитинэн буолла. Айсен Николаев мунньах иннинэ Ытык Күөлгэ элбэх хайысхалаах чэбдигирдэр-успуорт комплексын, оскуоланы уонна стадиону тутуу хаамыытын билистэ.
«Элбэх хайысхалаах чэбдигирдэр-успуорт комплекса былаан быһыытынан тутулла турар, 30% бырыһыана бэлэм. 1000 миэстэлээх стадиоҥҥа футбол хонуута, сүүрэр суоллар, ыстаҥаҕа аналлаах сектордар, уулусса тренажердарыгар былаһааккалар баар буолуохтара. Бу эбийиэктэри эһиил үлэҕэ киллэрэргэ былаанныыллар. 450 миэстэлээх, 100 миэстэлээх интэринээттээх Таатта оскуолатын саҥа дьиэтэ бу сыл бүтүөр диэри үлэҕэ киллэриллиэхтээх. Графиктан хаалыы суох. Эбийиэктэр болдьоммут кэмҥэ үлэҕэ киллэриллэллэрин курдук үлэ хаамыытын хонтуруоллуохха наада», -– диэн Айсен Николаев сорудахтаата.
Ил Дархан ону таһынан Таатта улууһугар суолу өрөмүөннүүр дьаһаллары ыытыы ирдэнэригэр болҕомтотун уурда. Социальнай эбийиэктэри тупсарыы, өрөмүөннээһин тэтимин күүһүрдэр наада.
Өрөспүүбүлүкэ баһылыга Таатта улууһун олохтоохторо күрэхтэһиилэр успуорт бырааһынньыгын курдук ааһарыгар бэйэлэрин кылааттарын киллэрэллэригэр эрэнэрин биллэрдэ.
Тэрийэр кэмитиэт мунньаҕар оонньууларга бэлэмнэнии туһунан сүрүн дакылааты бырабыыталыстыба бэрэссэдээтэлин солбуйааччы -– тэрийэр кэмитиэт бэрэссэдээтэлэ Сергей Местников, хос дакылааты Таатта улууһун баһылыга Айаал Бурцев оҥордулар.
Бэлэмнэнии чэрчитинэн ону таһынан дьиэ-уот, коммунальнай хаһаайыстыба уонна энергетика эбийиэктэрин өрөмүөннээһин, анал тиэхиньикэнэн хааччыйыы, үөрэх тэрилтэлэрин өрөмүөннээһин, үөрэх тэрилтэлэригэр аһылык блогар технологическай тэриллэри атыылаһыы былааннанар.
2025 сылга Таатта улууһугар ыытыллыахтаах «Манчаары оонньуулара» XXII спартакиадаҕа 7000 кэриҥэ киһи кыттыаҕа. Күрэхтэһиилэр успуорт 11 көрүҥүнэн барыахтара.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…