Ил Дархан Металлург күнүнэн эҕэрдэлээтэ

Ил Дархан Металлург күнүнэн эҕэрдэлээтэ.

Ытыктабыллаах Саха сирин металлургическай бырамыысыланнаһын бэтэрээннэрэ, үлэһиттэр! Саха Өрөспүүбүлүкэтин аатыттан уонна тус бэйэм ааппыттан Металлург күнүнэн эҕэрдэлиибин.

Ааспыт үйэ 50-х-60-с сылларыттан биһиги дойдубутугар бу металлургтар, көмүс хостооччулар, алмааһы хостооччулар, тимир, уран, үрүҥ көмүс, хорҕолдьун уо. д. а. сир баайын хостооччулар профессиональнай бырааһынньыктара.

Бырамыысыланнас үлэһиттэрин сыралаах үлэлэринэн бүгүн өрөспүүбүлүкэ дойдуга көмүһү, алмааһы хостооһуҥҥа инники күөҥҥэ сылдьар. Быйыл көмүһү хостуур бырамыысыланнаспыт 100 сылын бэлиэтииринэн, улахан махталбын Саха сирин көмүһү хостуур бырамыысыланнаһын үлэһиттэригэр тиэрдэбин.

Саха сиригэр көмүһү хостооһун историята ааспыт үйэ 20-с сылларын кытары ыкса сибээстээх.

Өрөспүүбүлүкэҕэ көмүс бырамыысыланнаһа тэриллиитигэр Саха АССР төрүттэспит Максим Аммосов улахан оруоллаах. Ол курдук, 1924 сыллаахха «Ягзолото» трест тэриллибитэ. Кылгас кэм иһигэр Саха сирэ ССРС көмүһү хостооһуҥҥа инники күөҥҥэ тахсан биир бастакылар ахсааннарыгар киирбитэ.

Ааспыт үйэ анараа өттүгэр тэриллибит салаа Саха сирин билиҥҥи индустриальнай сайдыытын тирэҕинэн уонна Арассыыйа бырамыысыланнаһын сайдыытын саҥа киинин быһыытынан бигэргэммитэ.

Бүгүн күндү металлы хостооһун кээмэйинэн өрөспүүбүлүкэ Арассыыйа эрэгийиэннэрин ортотугар иккис миэстэни ылар. Ааспыт сылга өрөспүүбүлүкэ көмүһү хостуур тэрилтэлэрэ 50-ча туонна көмүһү хостообуттара. 2024 сыл бастакы аҥарыгар Саха сирин көмүс хостооччулара күндү металл хостооһунун 9,7% улаатыннардылар.  Салаа сүрүн тэрилтэлэрэ — «Селигдар», «Полюс Алдан», ТЗРК уонна «Нерюнгри-Металлик» судаарыстыба экэнэмиичэскэй кыаҕын бөҕөргөтүүгэ улахан кылааттарын киллэрэллэр.

Саҥа инфраструктурнай уонна производственнай бырайыактар олоххо киирэллэр. Ол курдук, Дьааҥы оройуонун хоту өттүнээҕи сир баайдаах Күчүс турар. Кыра кыамталаах атомнай ыстаансыйа үлэҕэ киирдэҕинэ, бу сыл ахсын үлэтин күүстээхтик саҕалыа.

Саха сирэ тимир рудатын биир бөдөҥ поставщигынан буолар.  2023 сыллаахха «Якутская рудная компания» 450 тыһ. тахса туонна тимир руданы Сиваглинскайдааҕы сир баайдаах сиргэ хостообута.

Быйыл Саха сиригэр күндү таас — алмаас бастакы төрүт сирдэрин арыйыы төрүттэммитэ 70 сылын туолар. Билигин саха алмааһа аан дойдуга биллэр, оттон АЛРОСА алмааһы хостуур хампаанньа өрөспүүбүлүкэ социальнай-экэнэмиичэскэй сайдыытыгар тугунан да кэмнэммэт кылааты киллэрэр.

АЛРОСА ааспыт сыл түмүгүнэн алмаас ырыынагар лиидэр буоларын бигэргэппитэ.  Хампаанньа бэйэтин ресурснай баазатын кэҥэтэн, улахан геологическай-чинчийэр үлэлэри ыытар, аныгы технологиялары туһанан, инвестиционнай бырайыактары олоххо киллэрэр. «Майская» үлэҕэ киллэрэргэ уонна номоххо киирбит «Мир» сир аннынан барар саҥа руднигы тутууга бэлэмнэнэллэр. АЛРОСА — биһиги киэн туттуубут .

Күндү доҕоттор!

Эһиги өрөспүүбүлүкэ бырамыысыланнаһын кыаҕын улаатыннарыыга сүҥкэн кылааты киллэрэҕит. Оттон биһигини иннибитигэр бииргэ үлэлээһин уонна инники кэскил күүтэр.

Эһиэхэ үлэҕитигэр саҥа улахан ситиһиилэри, кытаанах доруобуйаны уонна былааҥҥыт туолан иһэригэр баҕарабын!

Саха Өрөспүүбүлүкэтин Ил Дархана А.С. Николаев