Ил Дархан Металлург күнүнэн эҕэрдэлээтэ
![](https://sakha-sire.ru/wp-content/uploads/2024/07/mycollages-9-1-960x640-1-960x596.jpg)
Ил Дархан Айсен Николаев Металлург күнүнэн эҕэрдэлээтэ.
Өрөспүүбүлүкэ салайааччыта металлург үлэһиттэрин көмөтүнэн Саха сирин бырамыысыланнай кыаҕа үрдүүр уонна Саха сиригэр алмааһы уонна көмүһү хостуурга дойду үрдүнэн инники күөҥҥэ тахсарын бэлиэтээтэ.
«Быйыл биһиги көмүһү хостуур бырамыысыланнаспыт 100 сылын бэлиэтиир. Билигин туһалаах сиртэн хостонор баайы хостооһун кээмэйинэн Саха сирэ Арассыыйа эрэгийиэннэрин ортотугар иккис миэстэни ылар. Быйыл алмаас хостуур бастакы сирдэрин арыйыытын 70 сылын туолар. Күн бүгүн аан дойдуга алмааһы хостооһуҥҥа АЛРОСА ирээтэ 30%-нан үрдүүр», — диэн т Айсен Николаев ТГ-ханаалыгар суруйда.
«Эһиги илиигитинэн үлэ үгэһэ, албан ааппыт уонна киэн туттуубут үөскээбитэ. Металлург күнүнэн! Бу бырааһынньык күнүгэр бэтэрээннэргэ, хас биирдии үлэһиттэргэ төрөөбүт дойдугутар бэриниилээх, үтүө суобастаах үлэҕит, кыһамньыгыт иһин махтанабын. Барыгытыгар кытаанах доруобуйаны, саҥа үлэҕэ-хамнаска ситиһиилэри, дьолу-соргуну баҕарабын!» ,- диэн Ил Дархан эттэ.
Санатан эттэххэ, 100 сыл иһигэр Саха сиригэр 2100 туоннаттан тахса көмүс хостоммута. Бүгүн бырамыысыланнас Саха сирин баалабай эрэгийиэннээҕи бородууктатын 50 % ылар, оттон Саха сирин бүддьүөтүгэр дохуот киириитин кээмэйэ сыл аайы биэс сүрүн салааларыгар киирэр, ортотунан 20 млрд солк. кэриҥэ харчыны киллэрэр.
Сообщить об опечатке
Текст, который будет отправлен нашим редакторам: