Хаартыска sakha.gov.ru ылылынна
Саха сирин Ил Дархана Айсен Николаев Михаил Мишустины Арассыыйа Федерациятын Бырабыыталыстыбатын Бэрэссэдээтэлин дуоһунаһыгар бигэргэммитинэн эҕэрдэлээтэ.
Арассыыйа Бэрэсидьиэнэ Владимир Путин 2024 сыл ыам ыйын 10 күнүгэр Михаил Мишустины премьер-миниистиринэн аныыр туһунан ыйаахха илии баттаабыта. Бу иннинэ Михаил Мишустин кандидатуратын РФ Судаарыстыбаннай Дуумата бигэргэппитэ, парламент аллараа палататыгар ону судаарыстыба баһылыга киллэрбитэ.
Айсен Николаев Михаил Владимирович Бырабыыталыстыба Бэрэссэдээтэлинэн үлэлээбит сылларыгар тэрээһиннээх үлэни ыыппытын, эрэгийиэннэр сайдыыларыгар улахан болҕомтотун уурбутун бэлиэтээтэ.
«Мин Михаил Владимировичка өрөспүүбүлүкэбитин куруук өйүүрүн иһин махтанабын. Кини Арассыыйа Бэрэсидьиэнин Владимир Владимирович Путин өссө төгүл биллэрбит итэҕэлин уонна бары туруоруллубут соруктары толоруо диэн эрэнэбин», — диэтэ Айсен Николаев.
Өрөспүүбүлүкэ баһылыга Арассыыйа Бырабыыталыстыбатын Бэрэссэдээтэлигэр Михаил Мишустиҥҥа улуу дойдубут чэчирии сайдыытын эппиэттээх үлэтигэр ситиһиилэри баҕарда.
Санатан эттэххэ, 2022 сыл атырдьах ыйыгар РФ Бырабыыталыстыбатын Бэрэссэдээтэлэ Михаил Мишустин Саха сиригэр оробуочай сырыытыгар эрэгийиэн бастыҥ уопутун кытта билсибитэ, миниистирдэр кэбиниэттэрин уонна Уһук Илин эрэгийиэн губернатордарын кытта ойуур баһаардарын утары үлэҕэ сүбэ мунньаҕы ыыппыта.
Саха сиригэр сырыытын кэмигэр Саха сирин Арктикатын цифровизациялааһыҥҥа, онкология киинин тутуутун түмүктүүргэ, ойуур уотун умулларыыга, Уһук Илин агробырамыысыланнай комплексын өйүүргэ сорудахтары биэрбитэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сайыҥҥы уһун сынньалаҥнар кэннэ үлэ, үөрэх дьыла саҕаланыыта дьиэ кэргэн бүддьүөтүгэр улахан хамсааһын тахсар. Маныаха…
Өлүөхүмэ улууһугар 44 саастаах эр киһи матасыыкылынан айаннаан иһэн сылгыны кытта харсыспыт. Ол түмүгэр суоппар…
Бүгүн Доҕордоһуу болуоссатыгар куорат 393 сылыгар аналлаах Оһуокай үрдүк таһымнаахтык ыытылынна. [gallery ids="241612,241622,241621,241620,241619,241618,241617,241616,241615,241614,241613,241610,241611"] Оруобуна 1…
Дьокуускай куорат күнүн көрсө мээр Евгений Григорьев суруналыыстары мунньан пресс-конференция ыытта. Тэрээһин быйыл күһүн үлэҕэ…
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…