Бүгүн, тохсунньу 30 күнүгэр, Ил Дархан Айсен Николаев өрөспүүбүлүкэ Бастакы бэрэсидьиэнэ Михаил Николаевы кытары көрүстэ.
Көрсүһүү кэмигэр тыа сиригэр урбааны сайыннарыы, олохтоох оҥорон таһаарыыны өйөөһүн, биисинэһи сайыннарыыга усулуобуйаны тэрийии тула кэпсэттилэр.
Олохтоох оҥорон таһаарыыны сайыннарар территориялары тэрийии биир көдьүүстээх сүүрээнинэн буолуон сөбүн итиэннэ туһааннаах сокуон бу сылга ылыныллыахтааҕын туһунан Ил Дархан кэпсээтэ.
«Күн бүгүн олохтоох оҥорон таһаарыыны сайыннарар территориялары тэрийиигэ Нам, Горнай, Мэҥэ Хаҥалас улуустарыгар бырайыактар көрүллэллэр. Саҥа механизм Арктический оройуоннары эмиэ хабыаҕа», – диэн бэлиэтээтэ Айсен Николаев.
Михаил Николаев «Долина Эркээни» диэн урутаан сайдар территорияны пилотнай бырайыагынан оҥоруу туһунан көҕүлээһинин Ил Дархан өйөөтө.
— Олохтоох оҥорон таһаарыыга урутаан сайдар территориялар тустарынан сокуон «Долина Эркээни» бырайыак сайдыытыгар олук буолуоҕа. Оччотугар тыа хаһаайыстыбатын бырайыактара олоххо киириэхтэрэ, – диэтэ Михаил Николаев.
“Эркээни” барыстаах өрүтэ – Дьокуускайтан чугас сытара, социальнай, инженернэй инфраструктура сайдыбыта буолар. “Эркээни” бастакы резиденнэринэн эти-үүтү оҥорон таһаарар, быраҕыллыбыт сирдэри, бааһыналары чөлүгэр түһэрэр, оҕуруот аһын үүннэрэр, харайар, барыанньалары, сироптары оҥорор, туризмы сайыннарар, о.д.а. тэрилтэлэр буолуохтарын сөп.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…