Дойдубут киин куоратыгар Москваҕа уонна Подмосковьеҕа бу күннэргэ «Ороһооспо тымныыта» бүрүүкээбит. Өтөрүнэн буолбатах -25 С, бэл -35 С кыраадыска тиийэ салгын температурата намтаабыт.
Арассыыйа биир саамай биллэр хаһыата KP.RU анаарааччыта Александр Гамов Саха сирин Ил Дарханыттан Айсен Николаевтан «Арассыыйа саамай тымныы эрэгийиэнигэр дьон тымныыттан хайдах харыстанарый?» диэн тиэмэлээн кэккэ ыйытыылары биэрдэ.
«Бу күннэргэ Саха сиригэр төһө тымныыный?» диэн ыйытыыга Айсен Николаев: «Саха сирэ Индияҕа тэҥнэһэр киэҥ иэннээх дойду, онон температура -18С кыраадыстан -55С кыраадыска тиийэ арыттаах», — диэн, кэпсэтээччитин сөхтөрбүт.
Тымныыттан хайдах харыстаныахха сөбүн туһунан ыйытыыга Ил Дархан күн туругун учуоттаан сөптөөхтүк таҥныы оруннаҕын, “аһыы утаҕы” амсайан баран таһырдьа тахсар кутталааҕын туһунан кэпсээбит уонна да атын судургу сүбэлэри биэрбит. “Уонна күүстээх тымныыны санаа түһүүтэ суох, холкутук ылынар киһи ордук үчүгэйдик аһарынар”, — диэн эбэн эппит.
Анаарааччы тымныыга Саха сирин суоппардара массыыналарын хайдах харыстыылларын туһунан интэриэһиргээбит, икки хос таас, массыынаны бүрүйэр “дьоҕус гараас” туһунан сэргии истибит. “Ити курдук бүрүөһүннэри бу диэки ыытаргыт буоллар”, — диэн баҕа санаатын эппит.
Ыстатыйаны толору манна ааҕыаххытын сөп.
Муус устар 27-28 күннэригэр Калининградка 15 саастарыгар диэри саастаах дзюдоистарга Арассыыйаҕа бастыыр иһин күрэхтэһии ыытылынна.…
Ил Дархан Айсен Николаев сорудаҕынан, "Бочуоттаах настаабынньык" диэн судаарыстыбаннай наҕараада олохтонно. Үлэ, социальнай сайдыы министиэристибэтэ…
Сунтаарга 1 Маай бырааһынньыгын күргүөмнээх үлэнэн, маассабай субуотунньугунан көрүстүлэр. Үгэс курдук, маассабай параат быйыл буолбата.…
Дойдуга хааччахтааһынынан, экология киртийиитинэн сибээстээн, ис ырыынагы сайыннарыыга, олохтоох аһы-үөлү, оҕуруот аһын дэлэтиигэ улахан болҕомтону…
Быйыл Саха сирин идэлээх сойуустарын федерациятын быһаарыытынан, 1 Маайы ураты бырагырааманан көрсөбүт. Бырагыраамаҕа үлэ, социальнай…
Аны икки-үс хонугунан Өлүөнэ өрүскэ муус устуута Саха сирин кыраныыссатыгар тиийиэҕэ диэн СӨ гражданскай оборуонаҕа…