Москваҕа командировкаҕа сырыытын кэмигэр Ил Дархан Айсен Николаев РФ Экология миниистирэ Александр Козлову кытта көрүстэ.
Өрүттэр 2022 сылга ойуур баһаарын утары ыытыллыбыт үлэ уонна эһиилги сезоҥҥа бэлэмнэнии туһунан боппуруостары дьүүллэстилэр. Бу туһунан Ил Дархан уонна бырабыыталыстыба пресс-сулууспата иһитиннэрдэ.
Биэдэмистибэ салайааччыта быйылгы сылга ыытыллыбыт үлэни биһирээтэ. Ол курдук, быйыл Саха сиригэр ойуур баһаарынайдарын ахсаана икки төгүл эбиллибитэ, салгын аалын көтүүтүн чааһа түөрт төгүл курдук элбээбитэ бэлиэтэннэ. Ол түмүгэр быйылгы ойуур баһаарын иэнэ 13 төгүл аччаата.
— Быйыл РФ Бэрэсидьиэнэ Владимир Путин тус бэйэтэ, дойду бырабыыталыстыбатын салайааччыта Михаил Мишустин уонна Айылҕа министиэристибэлэрэ өйөөннөр, өрөспүүбүлүкэҕэ ойуур баһаарын иэнин 13 төгүл кыччаттыбыт. Ойуур баһаарын бохсууга былааннах үлэ номнуо саҕаланна: минерализованнай балаһалар оҥоһулуннулар, салгынтан кэтээн көрүүгэ эбии исписэлиистэри бэлэмнээтибит, ойуур баһаарыгар туттулар тиэхиньикилэргэ ГлонасС систиэмэни туруордубут, — диэн иһитиннэрдэ Ил Дархан Айсен Николаев.
Маны тэҥэ көрсүһүүгэ «Генеральная уборка» диэн федеральнай бырагыраама олоххо киириитин, чуолаан, Дьокуускайга уонна Арктика сиригэр-уотугар рекультивацияны ыытыы туһунан кэпсэттилэр.
Халыма-Индигиир улуустарын уокуругуттан үгүс спортсмен араас көрүҥнэргэ ситиһиилэрдээхтэр. Ол курдук, бу күннэргэ Муоматтан төрүттээх бөҕөс…
Бу сирдэргэ хаһан баҕарар сылдьыахха сөп, ол эрээри кутаа уотун оттор көҥүллэммэт. Дьокуускайга Кангаласс түөлбэтигэр…
Өрөспүүбүлүкэ күнүгэр Дьааҥы оройуонун бочуоттаах олохтооҕо, СӨ тыатын хаһаайыстыбатын бочуоттаах бэтэрээнэ Христина Чукрова өрөгөйдөөх 80…
Ыам ыйын бырааһынньыктарыгар Амур уобалаһыгар Саха сириттэн федеральнай Авиалесоохрана 50-тан тахса парашютиһын уонна десантнигын ыытыахтара. …
Бу күннэргэ Горнай улууһун Бэрдьигэстээх сэлиэнньэтин түөлбэлэрэ төрүт оҕунан ытыыга күрэхтэстилэр. Тэрээһин туһунан Бэрдьигэстээхтэн ыччат…
СӨ Үлэҕэ уонна социальнай сайдыыга миниистирэ Елена Волкова Өрөспүүбүлүкэ күнүгэр «Үйэ саас» бочуоттаах бэлиэни Федора…