Хаартыска: Андрей Сорокин, СИА.
Ил Дархан Айсен Николаев Муома улууһун Хонуу сэлиэнньэтигэр оробуочай сырыытын кэмигэр билигин байыаннай дьайыыга сылдьар Андрей С. дьиэ кэргэнигэр ыалдьыттаата.
Байыаһы дьиэтигэр кэргэнэ уонна уолаттара күүтэллэр.
Кэпсэтии кэмигэр Андрей кэргэниттэн өрөспүүбүлүкэ баһылыга, эрэгийиэн былаастара байыаннайдар уруу-аймах дьонноругар өссө тугунан көмөлөһүөхтэрин сөбүн ыйытта.
“Бүгүн байыастардаах хас биирдии дьиэ кэргэн биһиги болҕомтобутугар сылдьаллар. Бу олус суолталаах. Биһиги инникитин да кинилэргэ туох баар наадалаах өйөбүлү оҥоро туруохпут”, — диэн бэлиэтээтэ Айсен Николаев.
Буойун кэргэнэ кэпсээбитинэн, 2023 сыллаахха кэргэнэ Арассыыйа Сэбилэниилээх Күүстэрин кэккэтигэр бэйэтин баҕатынан киирбит. Бойобуой сорудахтары толороругар хорсун быһыытын, эр санаатын иһин Андрей С. Жуков мэтээлинэн уонна «Бойобуой үтүөлэрин иһин» Арассыыйа оборуонатын министиэристибэтин мэтээлинэн наҕараадаламмыт.
“Мин маннааҕыбын, элбэх оҕолоох ыалга төрөөбүтүм, Андрейдыын эмиэ элбэх оҕолоохпут. Улаханнарбыт устудьуоннар, кыралар дьиэлэригэр аҕаларын кэтэьэллэр. Кэргэним дойдутун көмүскүү барар быһаарыныытын өйөөбүтүм. Үчүгэйдик сулууспалыыр, мэтээллэринэн наҕараадаланна. Түгэн көһүннэ да, хайаан да эрийэн кэпсэтэр. Ону бырааһынньык курдук күүтэбит. Өрөспүүбүлүкэ, улуус биһиги дьиэ кэргэммитин уонна Андрейы үчүгэйдик өйүүллэр. Киниэхэ гуманитарнай көмөнү тиэрдэллэр, өссө кини көрдөһүүтүнэн сулууспалыыр подразделениетыгар массыынаны ыыппыттара”, — диэн байыас кэргэнэ санаатын үллэһиннэ.
Айсен Николаев Саха сирэ байыаннай дьайыы кыттыылаахтарын кэргэттэригэр, оҕолоругар, төрөппүттэригэр уонна аймахтарыгар төһө кыалларынан өйөбүлү оҥорорун тоһоҕолоото. Бу кэлим үлэни былаас уорганнара эрэ буолбакка, «Аҕа дойдуну көмүскээччилэр» судаарыстыбаннай пуонда, волонтердар, өрөспүүбүлүкэ уопсастыбаннай тэрилтэлэрэ, ол иһигэр Аҕа дойду буойуттарын дьиэ кэргэттэрин кэмитиэтэ эмиэ ыыталлар, диэн суруйар Ил Дархан, бырабыыталыстыбы пресс-сулууспата.
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…