Хаартыска: СӨ Ил Дарханын уонна Бырабыыталыстыбатын пресс-сулууспата.
Быйыл Саха сиригэр национальнай бырайыактар чэрчилэринэн муҥутуур элбэх социальнай эбийиэк тутулларын учуоттаан, өрөспүүбүлүкэ борокуратууратын кытта кэтээн көрүүгэ бииргэ үлэлэһэллэр.
Бүгүн ыыппыт кыттыгас мунньахтарыгар Ил Дархан Айсен Николаев кэккэ национальнай бырайыактарынан тутуллар эбийиэктэрин болдьохторугар уһатыы-кэҥэтии баарын ыйда, бары таһымҥа быһаарыыны ылары тэтимирдэргэ сорудахтаата уонна олору толорууга Бырабыыталыстыба чилиэннэрэ тус эппиэтинэстээхтэрин санатта.
“2023 сылга социальнай суолталаах эбийиэктэр кээмэйдэрэ улаханын учуоттаан, национальнай бырайыактар туолуулара саҥа тэтиминэн барыахтаах. Кэккэ эбийиэктэргэ бэлиэтээһиннэр бааллар, тутуу болдьоҕо уһаабатын туһугар, борокуратуураны кытта кыттыгас миэрэлэри оҥоруохтаахпыт. Биэдэмистибэлэр салайааччылара кумааҕыга отчуот буолбакка, бырайыак бары түһүмэҕэр хаачыстыбалаах үлэ, Саха сирин олохтоохторун усулуобуйатын тупсуута инники күөҥҥэ турарын өйдүөхтээхтэр”, — диэн өрөспүүбүлүкэ баһылыга эттэ.
Мунньах кыттыылаахтара “Доруобуйа харыстабыла”, “Олох-дьаһах уонна куорат эйгэтэ”, “Куттала суох хаачыстыбалаах суоллар”, “Үөрэхтээһин” уонна “Демография” национальнай бырайыактар олоххо киириилэрин көрдүлэр.
Былырыын үлэҕэ киириэхтээх эбийиэктэртэн биирдэстэринэн Уус Алдан улууһугар успуорт чэбдигирдэр комплекса буолар. Болдьоҕо көһүүтүн учуоттаан туран, эбийиэги бүтэрэн 2023 сыл муус устар 1 күнүгэр туттарар былааннаахтар. Сирин эбии бөҕөргөтөн биэрэр үлэлэр ыытыллыылара эмиэ тутуу кэмигэр үлэҕэ киирэрин атахтаабыт. Ил Дархан бэлиэтээбитинэн, инженернэй-изыскательскай үлэлэр ыытыллыылара мөлтөөх хаачыстыбалаах уонна бырайыактааһын кэмигэр хонтуруол күүһүрүөхтээх.
Өрөспүүбүлүкэ борокуруора Максим Попов национальнай бырайыактарга дойду салалтата дьон олоҕун таһыма тупсарын үрдэтии сүрүн соругунан буоларын этэр. Эбийиэктэри тутууга кутталы суох оҥоруу уонна көдьүүстээхтик туһаныы былаас уорганнара, борокуратуура уонна атын кэтээн көрөр уорганнар тиһигин быспакка бииргэ үлэлэһиилэрин эрэйэр.
СӨ Ил Дарханын уонна Бырабыыталыстыбатын пресс-сулууспата.
Балаҕан ыйын 12 күнүгэр ИДьМ Жатайдааҕы полициятын дьуһуурунай чааһыгар, Жатай бөһ. Севернай уулуссаҕа эдэр ыччаттар…
«Воин» киин өрөспүүбүлүкэҕэ ыытыллар Бүтүн Арассыыйатааҕы байыаннай-тактическай «Путь Воина» күрэхтэһиитин түмүктүүр түһүмэҕин ыытыы бэлэмин бэрэбиэркэлээтилэр.…
Балаҕан ыйын 13 күнүгэр Үөһээ Бүлүү улууһун Н.А. Золотарев аатынан Боотулуу орто оскуолатыгар сылын ахсын…
Дьокуускай куоракка анал дьупулуомнаах уонча остеопат-быраас баарыттан биирдэстэринэн травматолог-быраас, ортопед, остеопат уонна мануальнай терапевт Иван…
Бүгүн быыбардыыр учаастактарга элбэх ыччат кэлэн гражданскай иэстэрин толордулар. Бу хаартыскаларга өрөспүүбүлүкэбит араас улуустарыгар быыбардыыр…
Быыбар учаастактарыгар бэрээдэги араҥаччылыыр уорганнар үлэһиттэрэ бэрээдэги кэтииллэр. Ону таһынан уопсастыбаннай кэтээн көрөөччүлэр быыбар хаамыытын…