Улахан быыстапкалыыр бырайыактары олоххо киллэрии туһунан Ил Дархан Айсен Николаев уонна Национальнай художественнай түмэл генеральнай дириэктэрэ Влада Тимофеева дьыалабыай көрсүһүүгэ дьүүллэстилэр. Айсен Николаев олохтоохтор култуурунай сайдыыларыгар түмэл бырайыактарын сүдү суолталааҕын бэлиэтээтэ.
«Түмэл Саха сирин олохтоохторугар аатырбыт маастардар ускуустубаларын арыйан култуурунай нэһилиэстибэни харыстааһыҥҥа уонна популяризациялааһыҥҥа сүрүн оруолу ылар. Ити бырайыактарар саха киһитигэр култуурунай эйгэни үөскэтэн, ускуустубаны ытыктабылы үөскэтиигэ мэлдьи улахан интэриэстээх», — диэн бэлиэтээтэ Айсен Николаев.
2024 сыллаахха бырабыыталыстыба өйөбүлүнэн Айвазовскай уонна нуучча маринистарын улахан быыстапката буолбута. Олунньу 7 күнүттэн балаҕан ыйын 14 күнүгэр аан дойду биллиилээх скульптора, Арассыыйа үтүөлээх худуоһунньуга Даши Намдаков быыстапката ыытыллар. Экспозиция 70-тан тахса айымньыттан турар, ол иһигэр 30 скульптура уонна ювелирнай оҥоһуктар. Бүгүн быыстапкаҕа 2,5 тыһыынчаттан тахса киһи сырытта.
«СӨ Национальнай художественнай түмэлэ Ил Дархан уонна бырабыыталыстыба өйөбүллэринэн дойду уонна аан дойду ускуустубатын шедеврдэрин кытта билиһиннэрэрин салҕыыр. Дойду аныгы национальнай ускуустубата скульптор Даши Намдаков аатын кытта сибээстэнэр», — диэн Влада Тимофеева бэлиэтээтэ.
Быыстапка чэрчитинэн араас аудиторияҕа тематическай экскурсиялар, о.д.а. тэрээһиннэр ыытыллыахтара. Олунньу 19 күнүттэн балаҕан ыйын 14 күнүгэр диэри түмэл иһинэн орто анал оскуолалар үөрэнээччилэригэр «DashiFest – КЛАССная планета» бэстибээл буолуоҕа.
Ил Дархан Улуу Кыайыы 80 сылыгар аналлаах Арассыыйа Сэбилэниилээх Күүстэрин түмэлин кытта холбуу бырайыагы өйөөтө.
Судаарыстыбаннай пуонда филиала үлэлиир кэмигэр 2023 сыл бэс ыйын 1 күнүттэн диэри эпиэкэҕэ сылдьар дьоҥҥо…
Дьокуускайга Аҕа дойду Улуу сэриитин Кыайыы 80 сылыгар аналлаах «Динамо» уопсастыбаннай сэбиэт бастакы тэриллиилэрин ортотугар…
“Билэҕин дуо? Үөрэт!” Бүтүн Арассыыйатааҕы оҕо билим-популярнай видеотын төрдүс сезонугар кыттарга сайаапкалары ылыы 2025 сыл…
Өрөспүүбүлүкэ олохтоохторо байыаннай дьайыы кэмигэр РФ интэриэһин көмүскүүллэрин салгыыллар уонна РФ Сэбилэниилээх Күүстэрин састаабыгар кинилэргэ…
Хачыкааттааҕы уонна 2 №-дээх Покровскайдааҕы оскуолалар ОРВИ уонна грипп ыарыыта улаханнык тарҕаммытынан харантыыҥҥа сабылыннылар. Олунньу…
Элбэх оҕолоох ыалларга сир учаастагын оннугар төлөбүр суумата 200 тыһыынчаттан 300 тыһыынча солкуобайга диэри үрдээбит.…