Тохсунньу 1 күнэ. Ил Дархан Саҥа дьыл түүнүгэр, 00:30 чааска, Дьокуускайга Перинатальнай кииҥҥэ 3 киилэ 440 грамм ыйааһыннаах кыыс оҕо күн сирин көрбүтүн туһунан бэйэтин телеграм-ханаалыгар иһитиннэрдэ. Өрөспүүбүлүкэҕэ Оҕо саас сылыгар маҥнайгынан күн сирин көрбүт кыыс Иннокентьевтар дьиэ кэргэннэригэр үһүс оҕонон буолар. Айсен Николаев төрөппүттэри эҕэрдэлээтэ уонна кырачаан кыыс этэҥҥэ улаатарыгар, чугас дьонугар үөрүүнү эрэ аҕаларыгар баҕарда.
Тохсунньу 3 күнэ. Айсен Николаев Уһук Илиҥҥэ биир бөдөҥ онкодиспансер тутуутун түмүктүүр үлэ хаамыытын бэрэбиэркэлээтэ. Эбийиэк докумуона оҥоһуллар, оборудованиены туруораллар. Ил Дархан сорудаҕынан, тутуу икки түһүмэххэ араарыллыбыта. Үлэ нэдиэлэтин саҕаланыыта бастакы түһүмэҕи – тутуу үлэтин түмүктүүр докумуоннар тутуу надзорун уорганнарыгар бэриллиэхтэрэ. Иккис түһүмэххэ тас дойдулартан кэлэр оборудованиены аҕалыыны быһаарыахтара. Онкодиспансер дойду Бэрэсидьиэнэ Владимир Путин көҕүлээбит «Доруобуйа харыстабыла» национальнай бырайыагынан тутуллар.
Тохсунньу 5 күнэ. Айсен Николаев Арассыыйа Дьоруойа Филипп Евсеев дьиэ кэргэнин кытта Дьокуускай куоракка көрсөн, ыал саҥа 4 хостоох кыбартыыраларыгар көспүт үөрүүтүн үллэһиннэ. Филипп уонна Светлана Евсеевтэр уоллаахтар уонна икки кыыстаахтар. Евсеевтары Саҥа дьылынан, Ороһуоспанан уонна саҥа дьиэлэммиттэринэн эҕэрдэлээтэ, бары үчүгэйи, доруобуйаны, дьолу-соргуну баҕарда.
Тохсунньу 7 күнэ. Ил Дархан Саха сирин олохтоохторун Ороһуоспанан эҕэрдэлээтэ. Саҥа олоҕу түстүүр бырааһынньык үтүөнү, тапталы аҕаларын, инникигэ эрэли үөскэтэрин бэлиэтээтэ. Ороһуоспа күн байыаннай эпэрээссийэҕэ кыттар хас биирдии боотуру ахтабыт-саныыбыт, кинилэр биһиги кыһамньыбытын, өйөбүлбүтүн мэлдьи билэ-көрө сырытыннар диэн эҕэрдэҕэ этиллэр.
Күндү Саха сирин олохтоохторо! Төһө да тохсунньу томорооно аргыйдар, күммүт уһаабыта биллэн эрэр. Уһун сынньалаҥ күннэрэ түмүктэнэн, саҥа сылга саҕаламмыт үлэ-үөрэх үтүөнү эрэ түстээтин!
Афанасий Ноев.
Бүгүн, ахсынньы 12 күнүгэр, 202-с түөлбэҕэ саҥа элбэх функциялаах ыччат "Патриот" киинигэр өрөспүүбүлүкэ ыччатын түмүктүүр…
Саха сирин үөрэҕин систиэмэтигэр суолталаах тэрээһинэн буолбут “Сыл учуутала” өрөспүүбүлүкэтээҕи 34-с төгүлүн ыытыллар күөн күрэс…
1941-45 сыллардааҕы Аҕа дойду сэриитигэр Сэбиэскэй норуот кыайыытынан түмүктэммитэ 80 сылынан, Арассыыйаҕа Аҕа дойдуну көмүскээччитин,…
Өрөспүүбүлүкэтээҕи медиа-кииҥҥэ ГТРК «Саха» 20 сыллаах үбүлүөйүгэр анаммыт үөрүүлээх киэһэ буолан ааста. Бу туһунан ЯСИА…
И.Н. Егоров – Горнай аатынан хараҕынан мөлтөхтүк көрөр уонна көрбөттөргө аналлaах өрөспүүбүлүкэтээҕи анал бибилэтиэкэ «Брайль…
Дьокуускайга “Малая родина – Сила России” Бүтүн Арассыыйатааҕы III муниципальнай пуорум сиэссийэтэ түмүктэннэ. Тэрээһин түмүгүнэн…