Ил Дархан Нерюнгри баһылыгын кытары көрүстэ

Share

Айсен Николаев бүгүн Нерюнгри оройуонун баһылыга  Роман Щегельнягы  кытары көрүстэ. Көрсүһүү кэмигэр оройуоҥҥа  байыаннай сулууспалаахтар дьиэ кэргэттэригэр көмөнү оҥоруу үрдүк таһымнааҕа бэлиэтэннэ.

«Билиҥҥи кэмҥэ ким да туора туруо суохтаах, бары өрөспүүбүлүкэ, федеральнай таһымҥа олохтоммут көмө миэрэлэрэ кэмигэр оҥоһуллуохтаахтар. Муниципальнай таһымҥа анал байыаннай дьайыыларга сылдьар биир дойдулаахтарбыт дьиэ кэргэттэригэр туһааннаах  өйөбүл оҥоһуллуохтаах. Итиниэхэ эһиги улуускутугар оҥоһуллар үлэлэргит иһин махтанабын», – диэн Айсен Николаев эттэ.
Маны таһынан Нерюнгри оройуонун социальнай-экэнэмиичэскэй сайдыытын туһунан ыйаах туолуутун хаамыытын дьүүллэстилэр.
Санатар буоллахха, 2026 с. диэри тутуллуохтаах инфраструктура эбийиэктэрэ докумуонунан чопчуланан тураллар. Ол иһигэр, Нерюнгри куоракка доруобуйа харыстабылын 12 эбийиэгэ саҥардыллара уонна хапытаалынай өрөмүөн ыытыллара, 500 миэстэлээх орто анал үөрэх устудьуоннарын кампуһун бырайыактааһын, 109 миэстэлээх Соҕуруу Саха сиринээҕи технологическай кэллиэс уопсай дьиэтин үһүс блогун саҥардыы, «Арктика» оскуолатын саҥа үөрэнэр куорпуһун итиэннэ Чульмаҥҥа саҥа оскуоланы, мини-стадиону, Иенгра сэлиэнньэтигэр баһаарынай депону тутуу киирэллэр.
Ону сэргэ «Р» квартал 1 түһүмэҕин комплекса тутуллуо, хаарбах дьиэлэртэн гражданнары көһөрүү бырагыраамаларын иккис түһүмэҕэ түмүктэниэ, 39 км итэҕэһэ суох суол ситимэ өрөмүөннэниэ, Нерюнгри куорат уонна да атын нэһилиэнньэлээх пууннар дизайннара оҥоһуллуо.
«Үбүлээһини уонна өрөспүүбүлүкэ министиэристибэлэрэ уонна биэдэмистибэлэрэ кытталларын эрэйэр бары пууннары көрдүбүт. Биһиги иннибитигэр турбут соруктары толорорго ылыстыбыт», – диэн эттэ көрсүһүү түмүгэр Роман Щегельняк.

Recent Posts

  • Сонуннар
  • Хаартыска/Видео

ХААРТЫСКА: Хаарынан Олоҥхо дьоруойдарын оҥороллор

Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…

10 минут ago
  • Быһылаан
  • Сонуннар

Абый улууһугар эчэйбит оҕоҕо 100 тыһ. солкуобай төлөннө

Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…

35 минут ago
  • Сонуннар
  • Спорт
  • Уопсастыба

Сунтаарга сахалыы остуол оонньууларыгар күрэхтэһии буолла

Сунтаар улууһугар ахсынньы 24 күнүгэр «Абаҕа» спортивнай комплекска хабылыкка уонна хаамыскаҕа 5-11 кылаас үөрэнээччилэригэр  күрэхтэһии …

1 час ago
  • Сонуннар
  • Уопсастыба

Бу өрөбүлгэ «Восточнай» космодромтан «Союз-2.1б» аракыата көтүө

2025 сыл ахсынньы 28 күнүгэр олохтоох бириэмэнэн 22:18 чааска "Восточнай" космодромтан "Союз-2.1б" аракыата көтөрө былааннанар.…

2 часа ago
  • Сонуннар
  • Уопсастыба

Айсен Николаев судаарыстыбаннай сиэктэр тиһигин үлэтин 1,5 төгүл үрдэтэргэ сорудахтаата

Ил Дархан Айсен Николаев өрөспүүбүлүкэ парламеныгар туһаайыытыгар судаарыстыбаннай сиэктэр тиһигин үлэтин 1,5 төгүл түргэтэтэргэ сорудахтаата.…

2 часа ago
  • Быһылаан
  • Сонуннар
  • Уопсастыба

Мэҥэ Хаҥаласка арыгыттан сылтаан үс холуобунай дьыала тэрилиннэ

ИДьМ Мэҥэ Хаҥалас оройуонунааҕы салаатын дьуһуурунай чааһыгар киэһэ балыыһаттан быһаҕынан анньыллыбыт киһи киирбитин туһунан иһитиннэрии…

3 часа ago