Хаартыска sakha.gov.ru ылылынна
СӨ Ил Дархана Айсен Николаев бэҕэһээ, ахсынньы 28 күнүгэр, Нерюнгри киин балыыһатын өрөмүөнүн бэрэбиэркэлээтэ.
Эрэгийиэн салайааччыта Нерюнгри куораты сайыннарыы маастар-былааныгар киирбит балыыһа комплексын «А» эмтиир куорпуһугар туох үлэ ыытыллыбытын көрдө. Алтынньыга манна үлэ бастакы түһүмэҕэ — тас өттүн, киирэр сири, түннүктэрин оҥоруу үлэтэ түмүктэммитэ. Иккис түмүһэҕин, ис өттүгэр үлэни уонна сирин-уотун тупсарыыны кэлэр сыл кулун тутар уонна муус устар ыйдарыгар былаанныыллар.
Нерюнгригэ доруобуйа харыстабылын эбийиэгин саҥалыы уларытан оҥоруу үлэтин туһунан оройуоннааҕы киин балыыһа кылаабынай бырааһа Алексей Яворскай билиһиннэрдэ.
«Нерюнгри киин балыыһатыгар үс эбийиэги саҥардан оҥоруу үлэтэ ыытыллар. Ол курдук, КВД, дьахталлар консультацияланар сирдэригэр уонна «Б» эмтиир куорпуска«, — диир Алексей Яворскай.
Үүнэр 2024 сылга Нерюнгригэ өссө үс эбийиэккэ хапытаалынай өрөмүөн ыытыллара былааннанар. Бу улахан дьон көрдөрөр поликлиникаларыгар, акушер куорпуһугар уонна суһал көмөнү оҥорор ыстаансыйаҕа.
«Б» эмтиир куорпуска үлэ саҕаламмыт. Бүгүҥҥү күҥҥэ дьиэ иннигэр үлэ ыытыллар, түннүктэрин уларыталлар, ис өртүн оҥороллор.
Балыыһа «А» уонна «Б» куорпустара мэдиссиинэ саҥа тэрилинэн хааччыллыахтара.
Санатан эттэххэ, Дьокуускай уонна Нерюнгри куораттар маастар-былааннара Арассыыйа Бэрэсидьиэнэ Владимир Путин сорудаҕынан оҥоһуллубуттара.
Сиһилии манна https://www.sakha.gov.ru/news/front/view/id/3382985 ааҕыҥ.
СӨ Ил Дарханын уонна Бырабыыталыстыбатын пресс-сулууспата
Таатта улууһун Уолбатыгар быйыл уонтан тахса кыталык кэлэн түспүтүн туһунан суруйан турабыт. Бу сырыыга кыталыктар…
Бу күннэргэ Ис дьыала министиэристибэтин Дьокуускайдааҕы 1 нүөмэрдээх полициятын отделыгар харчытын уордарбыт куорат олохтооҕуттан сайабылыанньа…
Нерюнгри оройуонугар ыам ыйын 14-18 күннэригэр художественнай гимнастикаҕа оскуола оҕолорун Арассыыйатааҕы XII сайыҥҥы спартакиадаларын иккис түһүмэҕэ…
Ол эрээри оппозиция евроинтеграция диэн көөчүктээн майдаан суолун тутуһар диэн этэр политолог Чокуур Гаврильев.
Ааспыт сууккаҕа өрөспүүбүлүкэҕэ буруйу оҥоруу 8 түбэлтэтэ бэлиэтэннэ. СӨ Борокуратуурата иһитиннэрбитинэн, Кэбээйи улууһун Сэбээн Күөлүгэр …
КЧС быһаарыытынан Ньурба куоракка, Дьаархан уонна Октябрьскай нэһилиэктэригэр ыксаллаах быһыы-майгы эрэсиимэ биллэрилиннэ. Бу туһунан олоҕу-дьаһаҕы…