Ил Дархан Нерюнгри оройуонугар үлэлиир

Бүгүн Ил Дархан Айсен Николаев оробуочай сырыынан Нерюнгри оройуонугар тиийдэ. Тута үөрэх эбийиэктэригэр сылдьан,   Чульмаҥҥа оскуола тутуутун, Серебрянай Борга оскуола хапытаалынай өрөмүөнүн билистэ.

Бу туһунан Айсен Николаев телеграмҥа ханаалыгар иһитиннэрдэ.

-Чульман оскуолата 350 миэстэлээх. Олохтоохтор уонна оскуола кэлэктиибэ саҥа тутуу үлэҕэ киирэрин кэтэһэллэр. Күн бүгүн графиктан хаалыы баар. Тутааччылар түргэтитиэхпит диэн эрэннэрдилэр. Эбийиэккэ үлэһит ахсаанын элбэтэргэ сорудахтаатым. Биир ыйынан бэрэбиэркэлиэм. 

Оттон Серебрянай Борга оскуола хапытаалынай өрөмүөнэ графиктан эрдэлээн иһэр. Бу сылга улахан кээмэйдээх өрөмүөн үлэтэ ыытыллыахтаах, — диэн Ил Дархан суруйда.