Ил Дархан Нерюнгри оройуонугар үлэлиир

Ил Дархан Айсен Николаев оробуочай сырыынан Нерюнгри оройуонугар тиийэн, бастатан туран, Сиваглинскайдааҕы  тимир рудалаах сиргэ сырытта . Бу туһунан кини телеграмҥа ханаалыгар иһитиннэрдэ.

-Сиваглинскайдааҕы  сир — биһиги өрөспүүбүлүкэбитигэр тимир руданы хостооһуҥҥа бастакы баараҕай бырайыагынан буолар.  «Мечел» хампаанньа  күргүөмнээх үлэтин түмүгэр, былырыын саас  үлэ саҕаламмыта. Күн бүгүн манна номнуо  100 киһи үлэлиир. Инникитин эбии 450 кэриҥэ саҥа үлэ миэстэтэ  аһыллыаҕа.  2023  сылга  туһааннаах сиргэ  450 тыһ. тонна руда хостоммута. Бу сыллааҕы былаан  —  былырыыҥҥы кээмэйи улаатыннарыы, — диэн Ил Дархан суруйда.