Ил Дархан Нерюнгритээҕи лесничествоҕа сырытта уонна КЧС мунньаҕын ыытта

Ил Дархан Айсен Николаев Нерюнгригэ оробуочай сырыытын кэмигэр Нерюнгритээҕи лесничествоҕа сылдьан, үлэһиттэри кытта кэпсэттэ.

-Сайын  —  лесничэйдэр үлэлэрин үгэнэ. Билигин оройуоҥҥа  22 ойуур баһаара баар. Лесничество көрөр-истэр зонатыгар нэһилиэнньэлээх пууннарга ойуур баһаарын куттала суох.  Үлэһиттэр кэмигэр сэрэтэр үлэлэри ыыталлар, хонтуруоллууллар. Маны таһынан кинилэр ойуур баһаардарын умуруорууга тэҥҥэ үлэлэһэллэр, — диэн Ил Дархан телеграмҥа ханаалыгар суруйда.

Өрөспүүбүлүкэ баһылыга маны сэргэ бүгүн Нерюнгригэ  ойуур баһаардарынан КЧС мунньаҕын ыытта. Билиҥҥитэ балаһыанньа тыҥааһыннаах,  118 ойуур баһаара баар.  «Ордук сытыы быһыы-майгы өрөспүүбүлүкэ соҕуруу, соҕуруулуу-арҕаа өттүгэр үөскээтэ»,- диэн  иһитиннэрдэ.