Хаартыска: Андрей Сорокин, СИА
Бүгүн, от ыйын 31 күнүгэр, Ил Дархан Айсен Николаев Гросс рудникка «Нордголд» көмүһү хостуур хампаанньа үлэһиттэрин кытта көрүстэ. Кэпсэтиигэ Ил Дархан хампаанньа үлэтин үрдүктүк сыаналыырын эттэ.
«2018 сылга үлэтин саҕалаабыт Гросс рудник билигин өрөспүүбүлүкэҕэ биир улахан көмүс хостуур хампаанньа буолар. «Нордголд» былырыыҥҥы үлэтин түмүгүнэн Саха сирэ көмүһү хостооһуҥҥа дойду үрдүнэн үһүс миэстэҕэ тахсыбыта. Биһиги эрэгийиэммит хампаанньаны кытта тэҥҥэ сайда турар. Эһиги ситиһиилээх үлэҕит өрөспүүбүлүкэ судаарыстыбыннай бүдьүөтүгэр бигэ үп киллэрэр, элбэх суолталаах социальнай соруктары оҥорорго көмөлөһөр», – диэн Айсен Николаев бэлиэтээтэ.
Ил Дархан үлэһиттэргэ быйыл Саха сиригэр «Үлэ сыла» биллэриллибитин туһунан кэпсээтэ уонна кинилэри «Үлэ киһитэ» бириэмийэҕэ көхтөөхтүк кыттыыны ыларга ыҥырда.
«Севергрупп» хампаанньа генеральнай дириэктэрэ Алексей Мордашов, Саха сирэ көмүһү хостооһуҥҥа биир суолталаах эрэгийиэн буоларын бэлиэтээтэ. Онон хампаанньа өрөспүүүбүлүкэ социальнай-экэнэмиичэскэй сайдыытыгар улахан интириэстээх. Кини Саха сирин бырабыыталыстыбатыгар уонна Өлүөхүмэ улууһагар махтанарын эттэ.
Санатан суруйдахха, Гросс — Саха сирин Өлүөхүмэ оройуонугар баар көмүс хостуур аан дойдутааҕы таһымнаах кластер буолар. Манна уопсайа 2000 тахса киһи үлэлиир.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…