Хаартыска: Андрей Сорокин, СИА.
Ил Дархан Айсен Николаев Ньурба улууһун баһылыгын Алексей Иннокентьевы кытта көрсөн, улуус билиҥҥи туругун, социальнай-экэнэмиичэскэй сайдыытын дьүүллэстилэр.
Алексей Иннокентьев Ил Дархаҥҥа от үлэтэ хайдах баран иһэрин кэпсээтэ. Кини этэринэн, быйыл улуус сүөһү аһылыгын бэлэмнээһиҥҥэ былаанын нуорманы таһынан толорор кыахтаах.
“Быйыл биһиги 28 тыһ. туонна оту бэлэмниэхтээхпит. От үүнүүтэ үчүгэй, тыа хаһаайыстыбатынан дьарыктанар үлэ кэлэктииптэрэ бары окко тахсыбыттара”, — диэн эттэ улуус баһылыга.
Маны тэҥэ кини сааскы халаантан тахсыбыт хоромньуну хайдах туораппыттарын иһитиннэрдэ. Муниципальнай тэриллии салайааччыта этэринэн, халаантан эмсэҕэлээбит 29 киһиттэн 28-һа биирдэ бэриллэр харчынан көмөнү хайыы-үйэ ылбыттар, 9 киһи федеральнай уонна өрөспүүбүлүкэтээҕи биэдэмистибэлэртэн харчынан көмөнү туппуттар.
“Чугастааҕы кэмҥэ улуус суолларын эбийиэктэрин чөлүгэр түһэрэргэ харчы киирэрин кэтэһэбит – Дьаархан сэл. уулуссаларыгар, нэһилиэктэр икки ардыларынааҕы суолларга уонна Ньурба куоратыгар муостаны тутууга. Хоромньу суумата бу күннэргэ СӨ Тырааныспарга уонна суол хаһаайыстыбатыгар министиэристибэтин хамыыһыйатынан быһаарылынна”, — диэн иһитиннэрдэ баһылык.
Айсен Николаев төһө кыалларынан суһаллык халаан уутун хоромньутун туоратар, эмсэҕэлээбит дьоҥҥо көмө оҥоһуллара наадалааҕын эттэ. Маны тэҥэ Ньурба улууһун баһылыга ойуур баһаардарыгар балаһыанньа хайдаҕын иһитиннэрдэ: “Икки баһаары кытта охсуһабыт. Бэҕэһээ Чаппанда сэлиэнньэтин таһынааҕы баһаары умуруорууга күүспүтүн бырахтыбыт. Манна 55 киһи үлэлиир, ол иһигэр олохтоох дьонтон 31 киһи баҕаларынан кэлэн көмөлөһөллөр. 11 тиэхиньикэ үлэлии сылдьар, 5 тыраахтар хорутар. Атыйах диэн сир таһыгар 60 киһи үлэлиир. Бүгүн уот саҕатыгар тыраахтардары ханан ыытары чуолкайдаары сөмөлүөтү көтүтэр былааннаахпыт. Нэһилиэнньэлээх пууннарга уонна экэниэмикэҕэ наадалаах эбийиэктэргэ уот суоһуур куттала суох”.
Салгыы Ил Дархан кыстыкка киириигэ улуус ОДьКХ-та төһө бэлэмнээҕин, 2027 сыллаахха ыытыллыахтаах СӨ норуоттарын IX Спортивнай оонньууларыгар эбийиэктэри бэлэмнииргэ тустаах болҕомтотун уурда, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Кылаан Кындыл алгыһынан, тойугунан арыйда. ''Сэргэлээх уоттара'' култуура киинигэр эдэр ырыаһыт Иоганн Матвеев бастакы айар…
Бүгүн саха эстрадатын чаҕылхай сулуһа Иоганн Матвеев бастакы кэнсиэрэ буолла. Талааннаах уолларын биир дойдулаахтара, Бүлүү…
Горнай улууһугар Атамайга "Радуга" уһуйаан тэриллибитэ 65 сылын бэлиэтиир тэрээһин өрө көтөҕүллүүлээхтик буолла. Бу күн…
Оҕо уруһуйугар болҕомтоҕутун ууруҥ диэн психологтар сүбэлииллэр. Баһыйар өҥүнэн оҕо уйулҕатын туругун быһаарыахха сөп диэн…
Былыр-былыргыттан дьон харчыга сыһыаннаах бити-билгэни итэҕэйэр, туһанар. Ол ханныктарый? Остуолга кураанах иһиттэр, вазалар, бытыылкалар туруо…
Дьокуускайга сылы эргиччи оҕуруот аһын, күөх үүнээйини үүннэриинэн дьарыктанар "Саюри" тэпилииссэ комплексыгар газовай электрстанция (ГПУ)…