СӨ Ил Дархана Айсен Николаев бүгүн, сэтинньи 3 күнүгэр Ньурбаҕа сырыытын кэмигэр Саха сирин биллиилээх судаарыстыбаннай, уопсастыбаннай-бэлитиическэй уонна идэлээх сойуустар диэйэтэллэрэ, саха норуотун чулуу уола Степан Васильев пааматынньыгар сибэкки уурда.
Айсен Николаев эрдэ бэлиэтээбитин курдук, Саха АССР 100 сылыгар Саха сирин олохтоохторо судаарыстыбаннаһы төрүттээбит дьоҥҥо уонна өрөспүүбүлүкэ бигэ тирэҕин уурбут кинилэр үөлээннээхтэригэр ытыктабылларын биллэрэллэр.
“Биһиги өрөспүүбүлүкэбит үйэлээх устуоруйатыгар ситиспитэ барыта – араас омуктар олорор норуоттарын бары көлүөнэлэрин айбыт-туппут, туһалаах үлэтин түмүгэ”, — диэн Айсен Николаев эттэ.
Степан Васильевич Васильев – өрөспүүбүлүкэни төрүттэспит дьонтон биирдэстэрэ, Саха сирин уһулуччулаах салайааччыларын чаҕылхай бэрэстэбиитэлэ, өрөспүүбүлүкэ уонна дойду судаарыстыбаннаһын олохтооһуҥҥа уонна көмүс хостооһунун сайыннарыыга улахан кылаатын киллэрбитэ.
Степан Васильев эдэр өрөспүүбүлүкэ бастакы наркомнарыттан биирдэстэринэн буолар. Дойдуга идэлээх сойуус хамсааһына олохсуйуутун төрүттэниитин саҕаласпыта, Саха сиригэр хомсомуолу тэрийбитэ, олохтоох сүрүн хайысха – сиртэн хостонор баайы туһаҕа таһаарыыны сайыннарыынан быһаччы дьарыктаммыта.
СӨ Ил Дарханын уонна Бырабыыталыстыбатын пресс-сулууспата.
Хаартыска: Андрей СОРОКИН, СИА.
Бүгүн, бэс ыйын 1 күнүгэр, П.А.Ойуунускай аатынан Саха Академическай тыйаатырыгар бойобуой дьайыы бэтэрээннэрин күнүн бэлиэтээһинэ…
Ааспыт нэдиэлэ устата түөкүттэр буруйу оҥорор дьайыыларыттан өрөспүүбүлүкэ 15 олохтооҕо эмсэҕэлээтэ, кинилэртэн албыннатан былдьаппыт харчыларын…
Өрөспүүбүлүкэ киин куоратын уулуссаларыгар «дрифтээбит» 27 саастаах Дьокуускай олохтооҕо холуобунай дьыалатыгар бириигэбэрэ таҕыста. Кини РФ…
2023 сыллаахха сэтинньи 23 күнүгэр Ил Дархан Айсен Николаев өрөспүүбүлүкэ олоҥхоһуттарыгар, оһуохайдьыттарыгар уонна тимир уустарыгар…
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…