Бүгүн, ахсынньы 12 күнүгэр, Ил Дархан Айсен Николаев «Россия 24» ханаалга таҕыста, ыйытыыларга хоруйдаата.
Бастатан туран, Москваҕа, Санкт-Петербурга Саха сирин күннэрин иитинэн кэпсэтии саҕаланна. Ил Дархан быйылгы сыл Саха сиригэр үбүлүөйдээх сылларынан уратытын бэлиэтээн эттэ.
«Москва куоракка Саха сирин күннэригэр бэлиэ тэрээһиннэр тиһиктээхтик ыытыллаллар. Бу Саха АССР тэриллибитэ 100, Саха сирэ Арассыыйа састаабыгар киирбитэ 390 сылларын иитинэн ыытыллаллар. Бэлиэ сылынан тэрээһиннэри дойдубут улахан куораттарыгар Москваҕа уонна Санкт-Петербурга тэрийэн ыытар туһунан биһиги өссө хас да сыллааҕыта былааннаан турабыт. Бастатан туран култуура тэрээһиннэригэр болҕомто ууруллубута. Ол эрээри, билиҥҥи баар балаһыанньанан, бырагыраама култуурунай тэрээһиннэриттэн аҕыйатан биэрбиппит. Оттон «Ньургун Боотур» опера премьерата Москваҕа Большой тыйаатырга, Санкт-Петербурга Мариинскай тыйаатырга үрдүк таһымнаахтык, өрө көтөҕүллүүлээхтик туруорулунна, дьон-сэргэ улахан сэҥээриитин ылла. Олоҥхо ис хоһоонугар этиллэрин, көстөрүн курдук, үтүө мөкүнү өрүү кыайар. Премьераны Москва, Санкт-Петербург олохтоохторо сөҕө-махтайа, астына көрдүлэр». Ил Дархан маны сэргэ, атын тэрээһиннэр сэргэхтик ыытыллалларын бэлиэтээн эттэ.
Ити курдук, Москваҕа уонна Санкт-Петербурга Саха сирин күннэрэ өрүү буоларын курдук, өрө көтөҕүллүүлээхтик ыытыллаллар, болҕомтону тардаллар. Оттон саха норуотун аатырбыт оператын дьон-сэргэ улаханнык астына-дуоһуйа көрбүттэр.
Ахсынньы 19 күнүн дьыбардаах киэһэтигэр ахсынньы аам-даам тымныытын аахсыбакка, дьон-сэргэ Тойбохой килбэйэр киинигэр турар Клара…
Тааттатааҕы полиция дьуһуурунай чааһыгар олохтоох киһи муннутун тоһутан балыыһаҕа кэлбитин туһунан иһитиннэрбиттэр. Бу туһунан СӨ…
Таатта улууһун Уолба нэһилиэгин олохтооҕо Иван Боппосов дьиэтин үрдүгэр Уот кыһыл сылгы сылын көрсө хаар…
СӨ Үрдүкү Суута Мэҥэ Хаҥалас улууһуттан төрүттээх, 1988 сыллаах төрүөх киһи экстремистскэй тэрилтэни үбүлээһиҥҥэ буруйдаах…
Өрөспүүбүлүкэҕэ үлэ бэтэрээннэрин өйүүргэ 2026 сылга 4 млрд солк. тахса үп көрүллүө диэн Ил Дархан…
Дьокуускайдааҕы ИДьМ 3-с №-дээх полиция отделын дьуһуурунай чааһыгар олохтоох киһи баан счетуттан 170 тыһ.солк. уордарбытын…