Ил Дархан ойуур баһаардарын утары үлэ туһунан кэпсээтэ
![](https://sakha-sire.ru/wp-content/uploads/2024/07/czczcz-1-1.jpg)
Ил Дархан Айсен Николаев бүгүн, от ыйын 17 күнүгэр, «Россия 24» ханаалга ГТРК «Саха» «Прямой разговор» биэриитигэр таҕыста.
Кэпсэтии ойуур баһаардарын боппуруоһуттан саҕаланна. Бастатан сорох улуустарга олус итии, кураан күннэр турбуттара, маннык күн-дьыл 1971 сыллаахха бэлиэтэнэ сылдьыбыта этилиннэ. Оттон бүгүҥҥү туругунан өрөспүүбүлүкэ сиригэр-уотугар 169 ойуур баһаара баара бэлиэтэнэр. Итинтэн 69 баһаары умуруорууга күүстээх үлэ ыытыллар. Сүүс баһаар уустук суоллаах-иистээх, ыраах сиргэ баар.
—Бэҕэһээ Абый улууһугар ойуур баһаарынан балаһыанньа уустугура сылдьыбыта. Күүстээх тыалтан нэһилиэнньэлээх пуунтан 26 км. сиргэ баар баһаар сэлиэнньэҕэ чугаһаан кутталы үөскэппитэ. Итиннэ эбии күүстэр ыытыллыбыттара. Оттон бүгүҥҥү күҥҥэ Зырянкаттан бөртөлүөтүнэн эбии күүстэр ыытыллаллар. Өлүөхүмэ улууһугар ойуур уотун умуруорууга күүстээх үлэ ыытыллар. Бүлүү, Үөһээ Бүлүү улуустарыгар дьон-сэргэ түргэнник мобилизацияланан баһаары утары үлэҕэ көмөлөһөллөр.
Сообщить об опечатке
Текст, который будет отправлен нашим редакторам: