Ил Дархан Олохтоох бэйэни салайыныы күнүнэн эҕэрдэтэ

Ытыктабыллаах өрөспүүбүлүкэ муниципальнай тэриллиилэрин салайааччылара уонна дьокутааттара! Ытыктабыллаах бэтэрээннэр уонна муниципальнай сулууспа үлэһиттэрэ!

Саха Өрөспүүбүлүкэтин салалтатын уонна тус бэйэм ааппыттан Арассыыйа Федерациятыгар Олохтоох бэйэни салайыныы күнүнэн эҕэрдэлиибин!

Муниципальнай тэриллии баһылыга эбэтэр дьокутаата буолуу үрдүк уонна бочуоттаах, ону кытта тэҥҥэ олус эппиэтинэстээх сорук буолар. Нэһилиэктэрбит, бөһүөлэктэрбит, ол аата биир дойдулаахтарбыт, кинилэр оҕолорун, сиэннэрин дьылҕалара  эһиги быһаарыыгытыттан, үлэҕититтэн тутулуктаах. Гражданнар кыһалҕаларын быһаарыыга уонна дьону кытта сиэрдээх  кэпсэтиигэ туһуламмыт сөптөөх дьайыылаах уонна эппиэтинэстээх муниципальнай былаас уорганнара өрөспүүбүлүкэбит кэлим сайдыытын сүрүн төрдө буолаллар.

Ааспыт суолбутун санаан көрдөхпүнэ, бу  сылларга улахан үлэни ыыттыбыт диэн көрөбүн. Өрөспүүбүлүкэбит нэһилиэнньэлээх пууннарыгар национальнай бырайыактар ​​уонна федеральнай, эрэгийиэннээҕи бырагыраамалар чэрчилэринэн, сүүсчэкэ саҥа элбэх кыбартыыралаах дьиэлэр, социальнай эбийиэктэр, ол иһигэр оскуолалар, оҕо саадтара, спортивнай комплекстар, култуура кииннэрэ тутулуннулар. Нэһилиэктэрбит, сэлиэнньэлэрбит тупсарыыларыгар, сылааһынан, уотунан хааччыллыытыгар, тырааныспар инфраструктуратын сайыннарыыга элбэх үлэ ыытылынна. Бу  дьон олоҕун хаачыстыбатын тупсарыыга туһуламмыт үлэ олохтоох таһымҥа эһиги салалтаҕытынан салҕанар.

Анал байыаннай дьайыыга улахан өйөбүлгүт иһин махтанбын. Өрөспүүбүлүкэ улуустара бэйэлэрэ бүгүн инники күөҥҥэ сылдьар, Кыайыыбытын чугаһатар сэрииһиттэргэ ти рэх пууннар нөҥүө өйөбүлү тэрийбиттэрэ олус наадалаах. Улуустар дэлэгээссийэлэрэ фроҥҥа наадалаах эбии тэриллэри, формалары уонна техниканы эрэ буолбакка, сонуннары уонна чугас дьоннорун сүрэхтэрин сылааһын тиэрдэллэр, бу байыастарга олус улахан суолталаах.

Күн бүгүн өрөспүүбүлүкэ муниципальнай оройуоннарын биэс баһылыга уонна нэһилиэктэр дьаһалталарын баһылыктара уонна баһылык солбуйааччылара анал байыаннай дьайыыга хоросуннук сэриилэһэ сылдьалларынан киэн туттабыт. Кинилэр патриотизмнарын, салайар дьоҕурдарын тылынан-өһүнэн эрэ буолбакка, дьыаланан көрдөрөр хорсун салайааччылар чаҕылхай холобурдара буолаллар.

Ытыктабыллаах олохтоох салайыныы уорганнарын үлэһиттэрэ!

Саха сирин хас биирдии олохтооҕун этэҥҥэ буолуута, өрөспүүбүлүкэҕэ олох хаачыстыбата тупсуута —  бу мунифипальнай, судаарыстыбаннай былаас уорганнарын уонна олохтоох бэйэни салайыныы уорганнарын уопсай соруктара.  Биир санаанан барытын быһаарыахпыт диэн бигэ эрэллээхпин! Маныаха өйөбүлбүтүнэн соторутааҕыта дойду бэрэсидьиэнэ Владимир Владимирович Путин илии баттаабыт “Общих принципах организации местного самоуправления в единой системе судаарыстыбаннай былаас” диэн федеральнай сокуон буолуоҕа. Бу сыл бэс ыйын 19 күнүттэн күүһүгэр киириэҕэ. Ону ылынан, дойдуга олохтоох бэйэни салайыныы сайдыытыгар саҥа түһүмэх саҕаланыа. Эрдэттэн олохтоммут салайыы моделын учуоттаан туран, өрөспүүбүлүкэҕэ олохтоох бэйэни салайыныы өссө көдьүүстээх систиэмэтин бииргэ оҥоруохпут!

Бу үөрүүлээх күҥҥэ, төрөөбүт өрөспүүбүлүкэҕит, улуу дойдубут чэчирии сайдарын туһугар чэгиэн-чэбдик буолууну, дьолу-соргуну уонна өссө да үрдүк ситиһиилэри баҕарабын!

Айсен Николаев, СӨ Ил Дархана.