Хаартыска: СИА
Ил Дархан Айсен Николаев «СӨ туризмы уонна олохтоох оҥорон таһаарыыны сайыннарыы» диэн стратегическай ыйаахха илии баттаата.
Ыйаахха сурулларынан, 2030 сылга диэри олохтоох оҥорон таһаарыыны 1,5 төгүл улаатыннарыы соруга туруоруллубут. СӨ Бырабыыталыстыбатыгар агробырамыысыланнай комплекска ис ырыынагы олохтоох табаарынан уонна өҥөнөн толорууга олохтоох оҥорон таһаарыыны сайыннарыы 15 территориятын тэрийии сорудахтаммыт. Маны таһынан эт, үүт бородууксуйатын улаатыннарыы соруга туруоруллубут. Ыйаахха тас ырыынакка таба, убаһа этин, мүөтү, Саха сиригэр үүнэр үүнээйилэриттэн (дикоросы) бородууксуйалары таһаарыы эмиэ киирбит.
Итилэри сэргэ кырыылыыр уонна ювелирнай салаалары чөлүгэр түһэрэн, оҥорон таһаарыы кээмэйин 7 төгүл улаатыннарыы турар. Тыа сиригэр уонна арктическай оройуоннар наадыйыыларыгар амфибийнай-вездеходнай техниканы уонна снегоболотоходтары сылга 300, гааһынан уонна кытаанах оттугунан үлэлиир хочуоллары сылга 500 устууканы оҥорон таһаарыы эмиэ киирбит.
Ил Дархан ыйааҕынан, туризм уонна өҥөнү оҥоруу салаатыгар эрэгийиэннээҕи бырабыыталыстыбаҕа 15 муниципальнай оройуоҥҥа бытовой өҥөнү оҥорор («Мои услуги») кииннэри тэрийии сорудахтаммыт. 2030 сылга диэри туристар кэлиилэрэ 2023 сылы кытта тэҥнээтэххэ, үс төгүл улаатыахтаах.
Олохтоох оҥорон таһаарыыны уонна туризмы каадырдарынан хааччыйыыга анаан 10 үөрэтэр-производственнай комплексы үлэлэтии сорудахтаммыт. Сиһилии ыйааҕы манна киирэн ааҕыҥ.
Арассыыйа Судаарыстыбаннай Дууматын дьокутаата Галина Данчикова Кыайыы күнүнэн эҕэрдэлиир: "Аҕа дойду Улуу сэриитин кыттыылаахтара, тыыл…
Бүгүн, ыам ыйын 9 күнүгэр, Дьокуускайга АГАТУ ипподромугар Кыайыы 79 сылыгар аналлаах ат сүүрдүүтэ ыытыллар.…
Бэҕэһээ, ыам ыйын 8 күнүгэр, Таатта улууһун Уолба нэһилиэгэр Адаҕа диэн сиргэ уон кыталык кэлэн…
Усуйаана оройуонун Тумат нэһилиэгэр "Үлэ-чиэс, Албан аат" искибиэрин үөрүүлээх аһыллыыта ыам ыйын 7 күнүгэр буолбут.…
Бэҕэһээ, ыам ыйын 8 күнүгэр, СӨ Быыһыыр сулууспатын Ньурбатааҕы көрдүүр-быыһыыр этэрээтин быыһааччылара Мэҥэдьэк диэн сиртэн…
Бүгүн, Улуу Кыайыы күнүгэр Дьокуускайга "Кыайыыны аҕалбыт буойуннар" монумеҥҥа сибэкки дьөрбөтүн ууруу тэрээһинэ чуумпуруу мүнүүтэтиттэн…