Хаартыска: СИАтан.
Бүгүн Ил Дархан Айсен Николаев “Россия 24” ханаалга быһа эпииргэ тахсан, көрөөччүлэр ыйытыыларыгар хоруйдаата.
Ыытааччы, Ил Дархан быйылгы быыбарга талыллан баран, бастакы дьаһалынан дьадайыыны утары миэрэлэр туһунан буолбутун, манна туох хамсааһын баарын ыйыппытыгар:
— Бу курдук баай өрөспүүбүлүкэҕэ дьадаҥы ахсаана муҥутуур аҕыйах буолуохтаах. Чугастааҕы биэс сылга дьадаҥы ахсаанын икки төгүл аҕыйатар сорук турар, бу 70 тыһ. кэриҥэ киһи буолар. Судургута суох, кэлимсэ (комплекснай) сорук. Бүгүн Бырабыыталыстыба салалтатын кытта Ил Дархан дуоһунугар иккис болдьоххо талыллыым кэнниттэн бастакы ыйаахпын ырытыстыбыт, — диэн Айсен Николаев эттэ.
Итиэннэ ханнык даҕаны дойдуга, эрэгийиэҥҥэ босуобуйаны үрдэтэн, субсидиянан дьадаҥы ахсаанын аҕыйаппыттара суоҕун бэлиэтээтэ. Манна Бырабыыталыстыба эрэ буолбакка, олохтоох бэйэни салайыныы, биисинэс, уопсастыба, уопсастыбаннай тэрилтэлэр бары күүстэрин түмтэхтэринэ быһаарылларын эттэ. “Статистика туоһулуурунан, дьадаҥы ахсааныгар элбэх оҕолоох тыа дьахталлара киирсэллэр. Биһиги бу дьахталлар дьиэ кэргэнинэн дьадаҥы аатыттан тахсалларыгар кэккэ миэрэлэри ылыахтаахпыт. Ханна эрэ ыраах үлэ миэстэтин таһаарбыппыт да иһин, кинилэр олорор сирдэриттэн ханна даҕаны барбаттара биллэр. Биһиги төттөрүтүн кинилэр олорор сирдэригэр үлэ миэстэтин, ол иһигэр дистанционнай үлэ миэстэтин, идэни баһылыыр кыахтарын тэрийиэхтээхпит, саҥа суоллары тобулуохтаахпыт”, — диэн Ил Дархан быһаарда.
Суукка иһигэр өрөспүүбүлүкэҕэ икки буруйу оҥоруу тахсыбыта бэлиэтэннэ. Бу туһунан СӨ Борокуратуурата иһитиннэрэр. Дьокуускай куоракка…
Оҕолору анал кириэһилэтэ суох таһыы иһин ыстараап икки бүк кэриҥэ улаатар. Ол курдук, тохсунньу 9…
Бу күннэргэ Тымныы полюһунан аатырар Өймөкөөн нэһилиэгэр туристар үгэс быһыытынан тоҕуоруһа мусталлар. Тымныы хаһаайынын --…
Тохсунньу 8 күнүгэр Мэҥэ Хаҥалас улууһун отделын дьуһуурунай чааһыгар «Халыма» федеральнай суолга суол быһылаана тахсыбытын…
Бүгүн былааннары олоххо киллэрэргэ табыгастаах кэм. Бу күн бэрээдэги, эппиэтинэстээх буолууну ирдиир. Ол эрээри, Ый…
Саха сирин синоптиктарын иһитиннэриитинэн, бүгүн, тохсунньу 10 күнүгэр, өрөспүүбүлүкэҕэ соҕуруулуу-арҕаа, соҕуруу, илин өттүгэр кыралаан хаардыыр,…