Андрей Сорокин (СИА) хаартыскаҕа түһэриитэ
Ил Дархан Айсен Николаев Орто Халыма улууһугар сырыытын кэмигэр Николай Иванович Шарин аатынан орто оскуола хапытаалынай өрөмүөнэ хайдах барбытын, саҥа үөрэх дьылыгар төһө бэлэмнээҕин бэрэбиэркэлээтэ.
Бу туһунан Ил Дархан пресс-сулууспата иһитиннэрэр.
«Дойду Бэрэсидьиэнэ Владимир Владимирович Путин көҕүлээбит бырагырааматынан Арассыыйа үрдүнэн оскуолалар хапытаалынай өрөмүөннэрэ ыытыллар. Биһиги өрөспүүбүлүкэбитигэр эмиэ оскуолалар саҥардыллаллар, ол иһигэр Арктика улуустарыгар. Итинэн биһиги сүрүн соругу быһаарабыт – өрөспүүбүлүкэ ханнык муннугар, Дьокуускайга дуу, Арктикаҕа дуу олороруттан тутулуга суох, оҕолорго хаачыстыбалаах үөрэхтээһин усулуобуйатын тэрийэбит. Аны Арктика оскуолаларыгар интэриниэт үлэтин тупсарыахпыт», — диэтэ Айсен Николаев.
Оскуола өрөмүөнэ уонна саҥа тэрилинэн хааччыллыыта «Модернизация школьных систем образования» федеральнай бырагыраама чэрчитинэн оҥоһуллар. Үбүлээһин 82 мөл. солк. тахса этэ. Өрөмүөн үлэтэ болдьоҕор бүппүт. Эбийиэк алын өттө, өһүөтэ, муостата, кирилиэһэ, дьиэ иннэ, салгыны эргитэр систиэмэтэ, канализацията, электроэнергиянан хааччыйыы, түннүктэрэ уонна ааннара өрөмүөннэммиттэр.
«Бу дьыл биһиэхэ сайдыы саҥа түһүмэҕинэн, саҥа билиигэ тирэҕинэн, үөрэххэ, успуорка, айымньылаах үлэҕэ ситиһиилээх буолуоҕар эрэнэбит. Биһиги, хотугу улуус даҕаны сөптөөх үлэни ыытан, федеральнай бырагыраамаҕа кыттыан сөбүн дакаастаатыбыт. Арктика атын үөрэҕин тэрилтэлэригэр биһиги суолу арыйбыппытынан киэн туттабын», – диэн оскуола дириэктэрэ Колымана Слепцова эттэ.
Оскуолаҕа барыта 520 оҕо үөрэнэр, 77 киһи үлэлиир, олортон 45-һэ – учуутал. Манна «Точка роста» естесвеннэй-научнай уонна технологическай үөрэхтээһин киинэ тэриллэн үлэлиир.
Cаха сирин синоптиктарын сабаҕалааһыннарынан бүгүн, ахсынньы 24 күнүгэр, Арктика кытылынан сорох сиринэн хаардыыр. Бу туһунан…
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…