Людмила Попова хаартыската
Үөрэх үлэһиттэрин атырдьах ыйынааҕы мунньаҕын иитинэн Ил Дархан Айсен Николаев оскуолаларга оптуобус күлүүстэрин туттарда.
«Бүгүҥҥү бэлиэ күҥҥэ кэлбит 13 оптуобуһу оскуола, кэллиэс дириэктэрдэригэр туттарабыт. Дойду бэрэсидьиэнин көмөтүнэн быйыл 40 оптуобуһу туттубут, эһиил былаан быһыытынан — 47.
Бу көннөрү тырааныспары эрэ тутуу буолбатах, бу оскуолалар тэтимнэрин түргэтэтии. Үөрэнээччилэр, устудьуоннар, преподавателлэр өрөспүүбүлүкэ устун сырыылара тэтимириэҕэ, улуустар икки ардыларыгар, улуус иһигэр даҕаны сылдьыахтара. Араас быыстапкаларга, куонкурустарга кыттыахтара, бу уопсай үөрэх хаачыстыбата тупсарыгар көмөлөһүөҕэ. Инникитин даҕаны бу бырагырааманы салҕыахпыт. Оптуобустар уһуннук, эрэллээхтик сулууспалыылларыгар баҕарабын», — диэн Ил Дархан эттэ.
Манна даҕатан эттэххэ, оскуолаларга оптуобустары 2016 сылтан биэрэллэр. Саха сиригэр бу сыллар тухары 547 тырааныспар кэллэ (2016 с. — 46, 2017 с.- 38, 2018 с.- 93, 2019 с. -47, 2020 с. — 70, 2021 с. — 82, 2022 с. — 67, 2023 с. — 44, 2024 с. — 20, 2025 с. -40). Бу федеральнай Бырабыыталыстыбаттан улахан көмө диэн бэлиэтииллэр.
М.Е.Николаев аатынан Дьокуускай куорат 40-с нүөмэрдээх оскуолатын дириэктэрэ Галина Васильева: «Саамай элбэх үөрэнээччилээх оскуола саамай улахан оптуобус күлүүһүн туттубут. Биир кылаас барыта биирдэ тэҥинэн айанныыр кыахтаах», — диэн санаатын үллэстэр.
Быйыл хотугу усулуобуйаҕа сөп түбэһэр 40 оптуобус көрүллүбүт. Ол иһигэр 10 оптуобус ПАЗ 32053-70, 18 оптуобус ГАЗ-322171, 10 оптуобус ГАЗ-А66R33 уонна 2 КАВ3 4338-А5 мааркалаах.
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…