Ил Дархан оттооһуҥҥа бары күүһү түмэргэ сорудахтаата

Саха сирин сорох улуустарыгар оттооһун былаантан хаалыыта бэлиэтэнэр.

Ил Дархан Айсен Николаев туруоруллубут соругу ситиһэргэ бары күүһү түмэргэ сорудахтаата. «Бүгүн улуус баһылыктарын кытта оттооһун боппуруостарыгар мунньах ыыттым. Бу сүөһүнү уонна сылгыны кыстыкка бэлэмнээһин сүрүн түһүмэҕэ- мантан сүөһү иитиитэ туруга быһаччы тутулуктаах. Сорох улуустарга оту бэлэмнээһин тэтимэ ситэтэ суох. Бары күүһү түмэр, тохтоон турууну суох оҥорор, хас биирдии үтүө күнү туһанар уонна бары кыаҕынан үлэлиир соругу туруордум. Бары күүһү туһаныахха наада», — диэн Ил Дархан бэйэтин ТГ-ханаалыгар суруйда. Айсен Николаев, сүөһүнү уонна сылгыны иитэргэ сөптөөх кээмэйинэн отунан хааччыйар туһугар, эрэгийиэҥҥэ оттооһун хаачыстыбалаахтык уонна болдьоҕор түмүктэниэхтээҕин бэлиэтээтэ.