Хаартыска: Андрей Сорокин, СИА.
Пасха иннинэ Айсен Николаев Преображенскай соборга православнай итэҕэллээхтэри кытта бырааһынньыктааҕы сулууспаҕа уонна сэлэлээн хаамыыга кытынна.
Бырааһынньыктааҕы сулууспаны Дьокуускайдааҕы уонна Ленскэйдээҕи архиепископ Роман ыытта. Сулууспа былыргы славянскай уонна сахалыы тылларынан ыытылынна. Архиепископ Роман уонна Айсен Николаев прихожаннары Пасханан эҕэрдэлээтилэр, өрөспүүбүлүкэ олохтоохторугар барыларыгар доруобуйаны, эйэни, үтүө санааны, тулуурдаах буолууну уонна итэҕэли баҕардылар.
— Пасха диэн олох, таптал уонна өлбөт-сүппэт эрэл бырааһынньыга. Олох өлүүтээҕэр күүстээх, сырдык хараҥаны, таптал барытын кыайар диэн Евангелие сүрүн этиитин өйдүүр күн буолар. Бу саҥаттан толкуйдуурга, ырааһырарга угуйар бырааһынньык, — диэн бэлиэтээтэ өрөспүүбүлүкэ баһылыга Айсен Николаев.
Архиепископ Роман мустубут дьоҥҥо махтанна уонна бука бары мэлииппэ ааҕалларыгар ыҥырда.
Пасха нэдиэлэтэ духуобунай үөрүүнү аҕалар уонна саҥардыы кэминэн ааҕыллар. Пасха диэн православнай христианнарга сүрүн бырааһынньык, олох өлүүнү кыайыытын уонна саҥа олох саҕаланыытын бэлиэтиир. Бу күн таҥара дьиэлэригэр куличтары уонна сымыыттары сибэтии гыналла.
Суукка быһаарыллыбытынан, буруйдаммыт киһи итирик туруктаах сылдьан массыынаны ыыппыта биллибит. Онон, РФ ХК 264.1 ыст.…
Госдуумаҕа адаптивнай больничнай туһунан сокуон бырайыагын киллэрээри гыналлар, оччоҕо үлэһит ыалдьа олорон үлэлиир кыахтанар, хамнаһыгар…
Бэйэлэрин тула дьону түмэр, хамсатар, уопсастыбаннай үлэнэн дьарыктанан, тулалыыр эйгэлэрин тупсарар дьон баар буолаллар. Эдэр…
Байыаннай дьайыы саҕаланыаҕыттан Саха сирин олохтоохторо ким-туох кыахтааҕынан көмөлөһө олороллор. Бу барыта үтүө санаалаах дьон…
Билигин маҕаһыынтан эрэ буолбакка, оннооҕор эмтиэкэттэн табаары уораллар эбит. Дьокуускай куоракка полицейскайдар эмтиэкэттэн табаары уорбут …
Аллайыаха улууһун кииниттэн, Чокуурдаахтан 141 килэмиэтир тэйиччи сытар кыракый Оленегорскай нэһилиэгин олохтоохторо байыаннай дьайыыга анаан…