Хаартыска: sakha.gov.ru
«Патриотическай» ТОР бырайыагын олоххо киллэрии боппуруостарын дойду Бырабыыталыстыбатын бэрэссэдээтэлин солбуйааччы – дойду Бэрэсидьиэнин боломуочуйалаах бэрэстэбиитэлэ Юрий Трутнев салалтатынан Уһук Илин федеральнай уокурук Сэбиэтин мунньаҕар дьүүллэстилэр.
Мунньах саҕаланыыта Юрий Трутнев дойду баһылыгын тула түмсүү Арассыыйа Бэрэсидьиэнин быыбарыгар куоластааһын түмүктэригэр сабыдыаллаабытын бэлиэтээтэ. Манна Уһук Илин эрэгиийэннэрэ Владимир Путиҥҥа күүстээх өйөбүлү көрдөрбүттэрин ыйда.
«Ааһан эрэр ыйдар саамай улахан түгэнинэн дойду Бэрэсидьиэнин быыбара буолар. Үгэс быһыытынан Уһук Илин федеральнай уокуруктар испииһэгэр тиһэх миэсттэни ылара. Ол эрэн, бүгүн барыгытын эҕэрдэлиэхпин баҕарабын. Бу көстүү түмүктэннэ. Бүгүҥҥү күҥҥэ Уһук Илин тэтимнээхтик инники таҕыста. Дойду федеральнай уокуруктарын ортолоругар Уһук Илин уокурук төрдүс буолла, куоластааһыҥҥа быыбардааччылар кыттыыларын көрдөрүүлэрин биллэрдик үрдэттэ. Владимир Владимирович Путин тула нэһилиэнньэ түмсүбүтэ чуолкайдык көһүннэ», — диэтэ Юрий Трутнев.
«Патриотическай» ТОР чэрчитинэн дьаһаллары олоххо киллэрии боппуруоһун дьүүллэһиигэ вице-премьер «бу көмө оҥорон таһаарыыны сайыннарыыга, фроҥҥа тиэрдиллэр бородууксуйаны кэҥэтиигэ көмөлөһөр уонна Кыайыыны чугаһатарга кылаатын киллэрэрин бэлиэтээтэ».
«Патриотическай» ТОР өйүүр дьаһаллар 2023 сыллаахха тахсыбыттара. Итинтэн ыла Уһук Илиҥҥэ, ол иһигэр Саха сиригэр, анал байыаннай дьайыыга туһуламмыт оҥорон таһаарыы кииннэрэ сайдан барбыттара. «Биһиги ийэ дойдубутун хорсуннук, дьоруойдуу көмүскүүр уолаттарбытын хайаатар да өйүөх тустаахпыт. Бу көмөнү үксүн оҥорон таһаарар тэрилтэлэрбит хааччыйаллар. Саха сиригэр «Сокол» снегоболотоходтары, дроннары, о.д.а. анал байыаннай дьайыы усулуобуйатыгар ирдэнэр тэриллэри оҥорон таһаараллар», — диэтэИл Дархан Айсен Николаев.
Кини Юрий Трутнев билигин бу тэрилтэлэри өйөөһүҥҥэ, саҥа тиэхиникэни оҥорууга өйүүр дьаһаллары уонна сөптөөх ньыманы талбытын бэлиэтээтэ.
«Бу биһиги аармыйаабыт аныгы оборудованиенан өссө эрэллээхтик хааччылларыгар көмөлөһүөҕэ. Ону кытта, биллэн турар, бу олохтоох оҥорон таһаарыы сайдарыгар көмөлөһөр – ити эмиэ Уһук Илин сайдыытыгар олус наадалаах», – диэн түмүктээтэ Айсен Николаев.
СӨ Ил Дарханын уонна Бырабыыталыстыбатын пресс-сулууспата
Бүгүн, ыам ыйын 19 күнүгэр, суһал иһитиннэриинэн 14:00 ч. Өлүөнэ өрүс мууһа Кэбээйи, Нам уонна…
Иннокентий Пухов төрөөбүтэ 120 сылыгар Биллиилээх фольклорист Иннокентий Васильевич Пухов быйыл кулун тутар 12…
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…
Сана үйэҕэ эргиэн үлэтигэр саҥа саҕалааһыннар кэрэхсэбиллээхтэр. Урукку кэмҥэ атыы-тутуу, эргиэн эйгэтигэр "Холбос" биир тэрилтэтэ…
«Оҕо аймаҕы үрдүккэ, сырдыкка, төрөөбүт дойдуга бэриниилээх буоларга сирдээбит "Мэлдьи бэлэм буол!" диэн тумус тыллаах…
Ыам ыйын 15 күнүгэр Дьиэ кэргэн аан дойдутааҕы күнүн бэлиэтээтибит. Онон бүгүн айанньыт, орнитолог, фотограф,…