СӨ Ил Дархана Айсен Николаев Приморье кыраайыгар үлэлиир.
Бүгүн кини онно байыаннай чааска сылдьан биир дойдулаахтарбытын көрүстэ, усулуобуйаларын билистэ. Рота командира Саха сириттэн тиийбит дойдулаахтарбыт түмсүүлээхтэрин, үчүгэй бэлэмнээхтэрин, күүстээх санаалаахтарын бэлиэтээбит. Саха сириттэн өйөбүл, кыһамньы баара, дьиэ кэргэттэригэр болҕомто ууруллара кинилэргэ тирэх буоларын эппит.
«Манна байыаннай бэлэмнэниини бара сылдьар хорсун-хоодуот дойдулаахтарбытын кытары көрүстүм. Кинилэр ортолоругар бэйэтин баҕатынан кэлбит СӨ Нэһилиэнньэ дьарыктаах буолуутун судаарыстыбаннай кэмитиэтин бэрэссэдээтэлин солбуйааччы Савва Михайловы көрсөн үөрдүм. Уолаттар кинини ыстаарыстанан талбыттар.
Көрсүһүүгэ кинилэр дьиэ кэргэттэригэр оҥоһуллар өйөбүллэр тустарынан кэпсэттибит. Биллэн турар, бу олус наадалаах. Төлөбүр, кирэдьиит туһунан ордук элбэхтик ыйыталастылар. Мин туох баар боппуруос барыта быһаарыллыа, биир да дьиэ кэргэн болҕомтото суох хаалыа суоҕа диэн эттим. Дойдулаахтарбыт тапталлаах кэргэннэригэр, күндү ийэлэригэр суруктарын ыыттылар«, — диэн Ил Дархан Айсен Николаев бэйэтин телеграм-канаалыгар кэпсиир.
Ил Дархан өрөспүүбүлүкэттэн мобилизацияламмыттар уонна бэйэлэрин баҕаларынан барбыттар ортолоругар урут байыаннай дьайыыларга сылдьыбыт дьон баарын бэлиэтиир. Эдэр ыччаттар эмиэ бааллар. «Кинилэри бука барыларын Ийэ дойдуга таптал уонна ис сүрэхтэн бэриниилээх буолуу түмэр, сомоҕолуур«, — диир Айсен Николаев.
Көрсүһүү кэмигэр Айсен Николаев наадалаах эбии малы-салы, аптечкалары, квадрокоптердары, тепловизордары, о.д.а. биэрдэ. Чугастааҕы кэминэн итиннэ эбии таһаҕас тиийиэ. Маннык көмө атын байыаннай чаастарга баар дойдулаахтарбытыгар эмиэ тиэрдиллиэ.
Хаартыскаларга Андрей Сорокин (СИА) түһэриилэрэ.
Нэдиэлэ устата барбыт Бүтүн Арассыыйатааҕы “Сыл учуутала-2024” күрэс Саха сиринээҕи түһүмэҕэ түмүктэннэ. Үөрүүлээх быһыыга-майгыга лауреаттар,…
“Бары бииргэ Кыайыыга!” 1-кы Өрөспүүбүлүкэтээҕи байыаннай-патриотическай пуорумҥа “Покров и защита” уордьанынан Афганскай сэрии бэтэрээнэ Валерий…
«Сахафильм» устуудьуйата уонна СӨ Национальнай бибилэтиэкэтэ «Киинэни ааҕабыт!» бырайыагы үлэлэттилэр . Ол курдук, Саха сирин…
Дьокуускайга полиция сулууспата сокуоннайа суох арыгы атыылааччылары буларга туһуламмыт рейдэлэри салгыы ыытар. Ол курдук, сокуоннайа…
Арассыыйа бырабыыталыстыбата 15 эрэгийиэҥҥэ, ол иһигэр Саха сиригэр, тыа хаһаайыстыбатын сирдэрин оҥорууга үлэ ороскуотун толуйуу…
Былырыын 2023 сыллаахха Былатыан Ойуунускай төрөөбүтэ 130 сылынан Чөркөөххө “Хомуур олоҥхо” түһүлгэ тэриллибитэ. Бырайыак ааптарынан…