ВИДЕО: Ил Дархан Путиҥҥа Саха сиригэр нэһилиэнньэ эбиллиитин төрүөтүн эттэ

СӨ Ил Дархана Айсен Николаев РФ Бэрэсидьиэнигэр Владимир Путиҥҥа эрэгийиэҥҥэ дьон ахсаана эбиллиитин төрүөтүнэн Саха сиригэр олоххо тапталы ааттаата.

Чэппиэргэ Путиҥҥа Уһук Илиҥҥэ  тутуллубут саҥа эбийиэктэри билиһиннэрдилэр. Дойду баһылыга билиһиннэрии кэмигэр Уһук Илиҥҥэ нэһилиэнньэ эбиллиитэ бэлиэтэммитин эттэ.

«Мин көрдөхпүнэ, биһиэхэ нэһилиэнньэ ордук элбээһинэ Саха сиригэр эбит», — диэн бэрэсидьиэн эбэн туран, Ил Дархантан бу көрдөрүү туһунан дакылааттыырыгар көрдөстө.

«Ытыктабыллаах Владимир Владимирович, Саха сиригэр олоҕу таптыыллар, ол иһин биһиги ахсааммыт сыл аайы элбээн иһэр», — диэн Ил Дархан Путиҥҥа хоруйдаата.

Видео: РИА новости