Салгыы
Ил Дархан РФ Бэрэсидьиэнин Анал этиитигэр санаатын эттэ

Ил Дархан РФ Бэрэсидьиэнин Анал этиитигэр санаатын эттэ

01.03.2024, 11:29
Хаартыска - СӨ Аҕа баһылыгын уонна Бырабыыталыстыбатын пресс-сулууспата
Бөлөххө киир:

Ил Дархан Айсен Николаев РФ Бэрэсидьиэнэ Владимир Путин олунньу 29 күнүгэр Федеральнай Мунньахха туһаайбыт Анал этиитигэр санаатын үллэһиннэ.

Дойду Аҕа баһылыга Арассыыйа сайдар хайысхаларын ырытар, быһаарар этиитэ социальнай-экэнэмиичэскэй  сайдыыга сонун сүүрээннэри саҕар, судаарыстыбаҕа куттал суох буолуутун  хааччыйар хайысхалары тобулар. Бу биһиги дойдубут уон сыл иһигэр сайдар кэскиллээх былаана. Бэрэсидьиэн Владимир Путин дьон олоҕун уйгутун тупсарар соруктаах элбэх сонун этиини киллэрэригэр эрэллээх  этим.  Онон дьиэ кэргэҥҥэ туһуламмыт национальнай бырайыак бу соругу толорууга улахан өйөбүлүнэн буолуоҕа. Саха сирэ оҕо төрөөһүнүн көрдөрүүтүгэр инники күөҥҥэ сылдьар.  РФ Бэрэсидьиэнэ уонна дойду  Бырабыыталыстыбатын өйөбүллэринэн өрөспүүбүлүкэбит олохтоохторун ахсаана өссө эбиллиэ турар.  Бу Саха сирин  социальнай-экэнэмиичэскэй сайдыытыгар улахан оруоллаах. Маны таһынан, Ил Дархан  РФ Бэрэсидьиэнэ эрэгийиэннэр инфраструктуралара сайдыытыгар туһуламмыт сүрүн хайысхаларга — суолу тутууга, газификацияҕа, саҥа социальнай эбийиэктэри тутууга болҕомтотун туһаайда. Ол курдук доруобуйа, үөрэх, успуорт эбийиэктэрин тутууга, аныгылыы саҥардыыга элбэх үп көрүллүөҕэ.  Бу биллэн турар, дьон олоҕо тупсуутугар туһуланыаҕа. Владимир Путин биһиги өрөспүүбүлүкэбитин ойуччу тутан, Саха сирин соҕуруу уонна арҕаа улуустарыгар гаастааһын олоххо киирбитин бэлиэтээбититтэн киһи үөрэр. Бэрэсидьиэн быһаарыыта эрэгийиэннээҕи гаастааһын бырагырааматын кэҥэтиигэ өйөбүлүнэн буолуоҕа. «Газпрому» кытта дуогабардаһыы түмүгэр «Сила Сибири» аттыгар баар куораттар, нэһилиэнньэлээх пууннар гаастаныахтара, Нерюнгри ГРЭ-һин гааска көһөрүү былаананар.  Муниципальнай былаас дьоҥҥо чугас буолан, муниципалитеттарга бары өттүнэн өйөбүл оҥоһуллуоҕа. Биһиги өрөспүүбүлүкэбитигэр бу хайысхаҕа туһуламмыт араас өрүттээх үлэ барар. «Үтүө дьыала» хамсааһын бырагырааматыгар, олохтоох нэһилиэнньэлээх пууннары кэлимник сайыннарыыга, уопсастыбаннай эйгэни тупсарыыга, оскуолалары уонна уһуйааннары тутууга федеральнай киинтэн эбии өйөбүлүнэн туһаныахпыт. Анал этиигэ өссө биир тиэмэ ойуччу тутулунна — байыаннай дьайыы кыттыылаахтарыгар социальнай өйөбүлү оҥоруу. Кулун тутар 1 күнүттэн анал каадыр бырайыага үлэлиэҕэ, — диэн бэлиэтээтэ Айсен Николаев.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
25 мая
  • 9°C
  • Ощущается: 9°Влажность: 57% Скорость ветра: 1 м/с

Сообщить об опечатке

Текст, который будет отправлен нашим редакторам: