Ил Дархан РФ Бырабыыталыстыбатын стратегическай сиэссийэтигэр кытынна

Ил Дархан Айсен Николаев Уһук Илини социальнай-экэнэмиичэскэй өттүнэн сайыннарыыга РФ Бырабыыталыстыбатын стратегическай сиэссийэтигэр кытынна.

РФ Бырабыыталыстыбатын бэрэссэдээтэлэ Михаил Мишустин стратегическай сиэссийэни ыытта. Манна Уһук Илин федеральнай уокурук 2036 сылга диэри сайдыытын кэпсэттилэр, ырыттылар.

Ол түмүгүнэн Ил Дархан Айсен Николаев бэйэтин МАХ ханаалыгар маннык суруйбут:

«Бу стратегия РФ бэрэсидьиэнэ Владимир Путин сорудаҕынан уонна федеральнай биэдэмистибэлэр улахан үлэлэрин түмүгүнэн оҥоһуллар. Бары быһаарыылар дьон интэриэһин туһугар оҥоһуллар. Ол курдук дьиэ-уот, тырааныспар сырыыта, хоту таһаҕаһы тиэйии, мэдиссиинэ, суол-иис, куораттары, бөһүөлэктэри сайыннарыы.»

Михаил Мишустин бэлиэтииринэн, 2025 сыл бүтүөр диэри туһуламмыт билиҥҥи стратегия номнуо үтүө түмүктэри көрдөрбүт. Эрэгийиэннэр баалабай бородууксуйалара үрдээбит, саҥа үлэ миэстэлэрэ тахсыбыттар, аныгы ресурснай-индустриальнай бааза оҥоһуллубут.