Ил Дархан РФ тырааныспарка миниистирин кытары суол хаһаайыстыбатыгар сүрүн бырайыактары дьүүллэстэ

СӨ баһылыга Айсен Николаев РФ тырааныспарка миниистирин Андрей Никитины кытары көрүстэ. Бу туһунан СӨ Баһылыгын уонна Бырабыыталыстыбатын пресс-сулуусрата иһитиннэрэр.

Көрсүһүү кэмигэр өрөспүүбүлүкэ суолун хаһаайыстыбатын сайдыытын сүрүн боппуруостарын дьүүллэстилэр. Чуолаан Илин Сибиири уонна Уһук Илини ситимниир Өлүөнэ эбэни туоруур муоста туһунан кэпсэттилэр. Бу киэҥ хабааннаах уонна социальнай суолталаах эбийиэк олоххо киирэн эрэр.

Ону таһынан өрөспүүбүлүкэ баһылыга уонна тырааныспар миниистирэ Р-504 «Халыма» уонна А-331 «Бүлүү» федеральнай айан суолларын сайдыытын көрдүлэр.

Итини сэргэ «Халыма» айан суолун тутуу уонна кыһыҥҥы суолу суох оҥоруу боппуруостарын дьүүллэстилэр. Р-504 1145 км усталаах, ол иһигэр 19 км кыһыҥҥы мууһунан суол Саха сирин биир сүрүн ситиминэн буолар.

РФ бэрэсидьиэнэ Владимир Путин сорудаҕынан Магадааҥҥа курдаттыы ааһар суолу оҥоруу уонна нуормаҕа эппиэттир гына оҥоруу ураты болҕомтоҕо турар.

Оттон Дьокуускайы, Мииринэйи, о.д.а. улуустары ситимниир А-331 «Бүлүү» айан суола эмиэ улахан оруолу ылар.

«Саха сирин федеральнай таһымҥа өйүөхпүт», — диэтэ тырааныспар миниистирэ Андрей Никитин.

Сиһилии бу сигэнэн ааҕыҥ: https://www.sakha.gov.ru/news/8397