Ил Дархан Росморречфлот салайааччытын кытта көрүстэ

Саха сирин баһылыга Айсен Николаев уонна Росморречфлот салайааччыта Андрей Тарасенко  Аллараа Бэстээххэ тырааныспар ситимин  бырайыагын дьүүллэстилэр.

Ону тэҥэ кинилэр «Джалинда-Мохэ» норуоттар икки ардыларынааҕы тырааныспарынан туорааһыны уонна Булуҥ оройуонун Найба сэлиэнньэтигэр пуорду тутууну дьүүллэстилэр.
Көрсүһүүгэ өрүс флотун сайыннарыы туһунан кэпсэттилэр, чуолаан, өрүс таһынааҕы нэһилиэктэри дебаркадерынан хааччыйыыны, өрүһү дириҥэтэр үлэлэри ыытыыны.
Санаттахха, тимир суол, массыына уонна өрүс тырааныспарын быһа охсуһууларыгар тырааныспар-логистика ситимин тутуу 2017 с. саҕаламмыта. Бастакы причалы  2022 с. үлэҕэ киллэрбиттэрэ. Өссө икки причалы тутуохтаахтар, таһаҕас былаһааккатын оҥоруохтаахтар.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата