Хаартыска: Sakhagov
Татарстааннааҕы нефтегазохимическэй пуорум чэрчитинэн СӨ Ил Дархана Айсен Николаев Татарстаан Өрөспүүбүлүкэтин Раиһын Рустам Миннихановы кытта көрүстэ.
Эрэгийиэннэр баһылыктара РФ икки субъектарын икки ардыгар бииргэ үлэлээһини бөҕөргөтүүнү уонна сайыннарыыны ырыттылар.
«Саха сирин уонна Татарстаан икки ардыларынааҕы сыһыан норуоттарбыт бэйэ-бэйэни ытыктаһыыга олоҕурар. Биһиги араас эйгэлэргэ бииргэ үлэлээһини утумнаахтык бөҕөргөтөбүт», — диэн Айсен Николаев эттэ.
СӨ Ил Дархана пуорумҥа тэриллибит быыстапканы холобурдаан, бырамыысыланнай кэпэрээссийэ суолтатын бэлиэтээтэ. «Пуорум быыстапкатыгар биһиги бииргэ үлэлээһин чахчылаах холобурдарын көрдүбүт: Саха сирин уонна Татарстаан тэрилтэлэрэ номнуо бииргэ үлэлииллэр, тэрили уонна матырыйааллары аҕалаллар. Бу эрэгийиэннэр икки ардыларынааҕы табаар эргиирин салгыы үүнэригэр олук уурар», — диэн Айсен Николаев эбэн эттэ.
Көрсүһүүгэ култуурунай ситимнэри сайыннарыыга ураты болҕомто уурулунна. СӨ Ил Дархана бэс ыйыгар Дьокуускайга үбүлүөйдээх XXV Федеральнай Сабантуй ааспытын, уон тыһыынчанан ыалдьыты түмэн, доҕордоһуу уонна өйдөһүү дьиҥнээх бэлиэтэ буолбутун бэлиэтээтэ.
«Бу бырааһынньык көмөтүнэн Дьокуускай куорат уонна Нижнекамскай муниципальнай оройуон дэлэгээссийэлэрин икки ардыларыгар таһаарыылаах кэпсэтии буолла, ол түмүгүнэн икки өрүттээх сибээһи сайыннарар туһунан быһаарыы ылыллыбыта. Бүгүн бу бырассыас Дьокуускай уонна Нижнекамскай икки ардыларыгар доҕордоһуу сыһыаннарын олохтуур туһунан меморандумҥа илии баттааһынынан салҕанна», — диэн Айсен Николаев бэлиэтээтэ.
Кини этэринэн, саҥа дуогабардаһыылар бииргэ үлэлээһиҥҥэ эбии күүһү биэриэхтэрэ уонна Саха сирин, Татарстаан олохтоохторугар үгүс туһаны аҕалыахтара. Онтон Татарстаан Өрөспүүбүлүкэтин Раиһа Рустам Минниханов икки эрэгийиэни былыргыттан доҕордуу сыһыан ситимниирин бэлиэтээтэ, бу сыһыан 2021 сыллаахха илии баттаммыт бырабыыталыстыбалар икки ардыларынааҕы бииргэ үлэлээһин туһунан сөбүлэҥҥэ тирэҕирэр.
«Салгыы үлэҕэ суолталаах хайысха — муниципалитеттар икки ардыларынааҕы бииргэ үлэлээһин. Татарстаан уонна Саха Өрөспүүбүлүкэтэ ситимнэрбитин бөҕөргөтөргө элбэх хайысхалаахтарыгар эрэллээхпин.
Санатан эттэххэ, Саха сириттэн кэлбит бииргэ үлэлиир дьоммут нефтегазохимическэй пуорумҥа кытталлар. Ону таһынан, биһиги кинилэри “Kazan Digital Week” сыыппара пуорумугар ыҥырдыбыт. Ити барыта биһиги эрэгийиэннэрбитигэр биир соруктары быһаарарга уонна уопут атастаһарга көмөлөһөр», — диэн Рустам Минниханов көрсүһүү түмүгүнэн эттэ.
Үөһээ Бүлүү улууһун Хомустаах сэлиэнньэтигэр саҥа искибиэр үөрүүлээх быһыыга-майгыга аһылынна. Бу РФ Бэрэсидьиэнэ Владимир Путин…
2022 сыллаахха оҥоһуллубут Саха сиригэр саҥа көлүөнэ «Экстра Синема» киинэ ситимэ өрөспүүбүлүкэҕэ креативнай индустриялар уларыйыыларын…
«Сулустаах» түөлбэ аттыгар саҥа үөрэх дьылын саҕаланыытыгар 990 миэстэлээх 40-с нүөмэрдээх орто оскуола аһыллыаҕа. Аныгылыы…
Владивосток куората «Саха сирин тимир суоллара» акционернай хампаанньа Куубагын иһин мас-рестлиҥҥэ аан дойдутааҕы турниры ыытарга…
Дьокуускайга Сэбиэскэй Аармыйа 50 сыла уулуссаҕа айан-сырыыны хааччахтыыр туһунан иһитиннэрдилэр. Уулуссаны сабыы нэдиэлэттэн ордук кэмҥэ…
Өрөспүүбүлүкэ үгүс мэдиссиинэ тэрилтэлэрэ холбоммут ТГ-ханаалга анал чаттарыгар бүгүҥҥү күҥҥэ 936 киһи тус ыйытыылардаах таҕыста.…