Ил Дархан: «Саха сирэ Владимир Путины кытта бииргэ!»

Ил Дархан Айсен Николаев бэйэтин телеграм-ханаалыгар Владимир Владимирович Путины өйүүр суругу таһаарда.

— Саха сирэ Владимир Владимирович Путины кытта бииргэ!

Арассыыйа күүһэ – үгүс омуктары сомоҕолуур норуотугар!

Билигин ити күүһү көрдөрөр хаһааҥҥытааҕар да суолталаах – ис уонна тас өстөөхтөрбүт биир иллээх дьиэ кэргэммитигэр өстүйүүнү аҕалбаттарын туһугар. Дойдубут кэскилин туһугар туруулаһар күммүтүгэр бары иирсии, бэйэ икки ардыгар аахсыы киэр илгиллиэхтээх.

Биһиги бары Арассыыйа туһугар охсуһууга туруохпут! Бүгүн саха омук ытык бырааһынньыгар Ыһыах кэмигэр айыыларга алгыс анаан буойуттарбыт туһугар, Кыайыы туһугар үҥэбит!